Deool Band 2 Box Office Collection: बॉक्स ऑफिसवर 'देऊळ बंद 2'ची हवा; 30 दिवस पूर्ण तरीही क्रेझ कमी झालेली नाही, 'राजा शिवाजी'चा रेकॉर्ड मोडणार?
Deool Band 2 Box Office Collection: मोहन जोशी अभिनीत 'देऊळ बंद 2' या सिनेमानं 30 दिवसांत बॉक्स ऑफिसवर जबरदस्त कमाई केली आहे.
Deool Band 2: बॉक्स ऑफिसवर (Box Office Collection) सध्या मराठी सिनेमांचं वर्चस्व पाहायला मिळत आहे. नुकतेच प्रदर्शित झालेले 'राजा शिवाजी', 'देऊळ बंद 2' (Deool Band 2) या सिनेमांमुळे मराठी सिनेसृष्टीला सुगीचे दिवस आले आहेत, असं म्हटलं तर वावगं ठरणार नाही. 'राजा शिवाजी' (Raja Shivaji) या सिनेमानं 100 कोटींचा टप्पा ओलांडत, नवा विक्रम आपल्या नावे केला आहे. तर, 'देऊळ बंद 2' सिनेमा देखील त्याच वाटेवर आहे. सध्या 'देऊळ बंद 2' आणि 'तुंबाडची मंजुळा' (Entertainment) या सिनेमांची बॉक्स ऑफिसवर घौडदौड सुरू आहे. दोन्ही सिनेमांना प्रेक्षकांकडून जबरदस्त प्रतिसाद मिळतो आहे. 'देऊळ बंद 2' या सिनेमाची बॉक्स ऑफिसवर जादू चालली. हा सिनेमा प्रदर्शित होऊन 29 दिवस पूर्ण झाले आहेत. 29 व्या दिवशी या सिनेमानं नेमकं किती कोटींचे कलेक्शन केले? जाणून घेऊयात.
'देऊळ बंद 2' या सिनेमाचं बॉक्स ऑफिसवर वर्चस्व पाहायला मिळत आहे (Day 30 Deool Band 2 Box Office Collection)
'देऊळ बंद 2' हा सिनेमा 21 मे 2026 रोजी सिनेमागृहांमध्ये रिलीज झाला होता. पहिल्या दोन आठवड्यात या सिनेमानं बॉक्स ऑफिसवर उत्तम कामगिरी केली. सिनेमाचा कलेक्शनचा आलेख हा चढताच राहिला. दरम्यान, तिसऱ्या आणि चौथ्या आठवड्यात या सिनेमाच्या कमाईत किचिंत घट झाली असल्याचं पाहायला मिळालं. आज या सिनेमाला प्रदर्शित होऊन 30 दिवस पूर्ण झाले आहेत. पाचव्या शुक्रवारी म्हणजेच 30 व्या दिवशी या सिनेमानं 25 लाख रुपयांचे कलेक्शन केले आहे.
पाचव्या शुक्रवारी या सिनेमाचे 521 शोज पार पडले होते. 521 शोजमधून या सिनेमानं 25 लाख रुपयांचे कलेक्शन केले आहे. सॅकनिल्कच्या अर्ली ट्रेंड रिपोर्ट्सनुसार, 29 व्या दिवशी या सिनेमानं 35 लाख रुपयांचे कलेक्शन केले होते. 30 व्या दिवसाच्या तुलनेत 29 व्या दिवशी या सिनेमानं उत्तम कामगिरी केली होती. दरम्यान, 30 व्या दिवशी या सिनेमाच्या कमाईत घट झाली असल्याचं पाहायला मिळत आहे.
मिडिया रिपोर्ट्सनुसार, 'देऊळ बंद 2' या सिनेमानं आतापर्यंत भारतात एकूण 70.22 कोटींचे बॉक्स ऑफिस नेट कलेक्शन केले आहे. या सिनेमाला प्रदर्शित होऊन आता 1 महिना उलटला आहे. एका महिन्यात या सिनेमानं 70.22 कोटींचे कलेक्शन केले आहे. दरम्यान, हा सिनेमा 80 कोटींचा टप्पा ओलांडू शकेल का? हे येत्या काळात समोर येईल. 'देऊळ बंद 2' या सिनेमासह 'तुंबाडची मंजूळा' या सिनेमाचीही बॉक्स ऑफिसवर जादू पाहायला मिळाली. 'तुंबाडची मंजूळा' या सिनेमानं भारतात एकूण 12 कोटी 71 लाखांची कमाई केली आहे. या सिनेमालाही प्रेक्षकांकडून जबरदस्त प्रतिसाद मिळताना दिसत आहे.
महत्त्वाच्या इतर बातम्या:
महत्त्वाच्या बातम्या
