Deool Band 2 Box Office Collection Day 20: 'देऊळ बंद 2'ची कमाई दमदार; थेट रितेश देशमुखच्या हिट सिनेमाला दिला धोबीपछाड, एकूण कमाई ऐकाल तर...
Deool Band 2 Box Office Collection Day 20: 'देऊळ बंद 2' थिएटर्समध्ये प्रदर्शित झाल्यापासून मराठी प्रेक्षकांच्या पसंतीस उतरला आहे. हा सिनेमा बॉक्स ऑफिसवर दमदार कमाई करतोय.
Deool Band 2 Box Office Collection Day 20: सध्या मराठी सिनेसृष्टीला (Marathi Film Industry) सुगीचे दिवस आलेत, असं म्हटलं तरी वावगं ठरणार नाही. गेल्या काही महिन्यांत बॅक टू बॅक आलेल्या मराठी सिनेमांनी (Marathi Film) बॉक्स ऑफिसवर (Box Office Collection) बॉलिवूड सिनेमांची (Bollywood Movie) गणिती बिघडवली आणि धमाकेदार कमाई केली. मराठी सिनेमांनी धुवांधार कमाई करून कित्येक दिग्गजांना मागे टाकलं आहे. 'देऊळ बंद 2' हा 2026 मध्ये प्रदर्शित झालेला मराठी सिनेमा असून, सामाजिक आशय, रहस्य आणि थरार यांचा संगम असलेल्या कथानकामुळे तो प्रेक्षकांच्या पसंतीस उतरलाय. श्रद्धा, अंधश्रद्धा, धर्म आणि समाजातील वास्तव यांवर भाष्य करणारा हा सिनेमा 'देऊळ बंद'चा (Deool Band) सीक्वेल आहे. सध्या या सिनेमानं कमाईच्या बाबतीत कोट्यवधींची उड्डाणं घेतली आहेत.
थिएटर्समध्ये प्रदर्शित झाल्यापासून 'देऊळ बंद 2' (Deool Band 2) हा मराठी प्रेक्षकांच्या पसंतीस उतरला आहे. हा सिनेमा बॉक्स ऑफिसवर दमदार कमाई करतोय. 10 कोटी रुपयांच्या बजेटमध्ये तयार झालेल्या सिनेमानं अनेक विक्रम मोडीत काढलेत.
20व्या दिवसाची कमाई (Deool Band 2 BO Collection)
प्रवीण तरडे दिग्दर्शित सिनेमानं 20 व्या दिवशी 1.1 कोटी रुपयांची कमाई केलीय. 19 व्या दिवसाच्या तुलनेत कमाईत 4.34% घट झाली असली, तरीही या सिनेमानं एक नवा विक्रम प्रस्थापित केलाय. या सिनेमानं 62 कोटी रुपयांचं नेट कलेक्शन आणि 73.16 कोटी रुपयांचं ग्रॉस कलेक्शन केलंय.हा सिनेमा लवकरच 75 कोटी रुपयांचा टप्पा गाठण्याच्या मार्गावर आहे.
चित्रपटातील कलाकारांच्या दमदार अभिनयासह दिग्दर्शन आणि तांत्रिक बाजूंनाही प्रेक्षकांकडून सकारात्मक प्रतिसाद मिळालाय. सामाजिक विषय मांडतानाच मनोरंजनाचा समतोल साधण्यात 'देऊळ बंद 2' यशस्वी ठरल्याचं मत अनेकांनी व्यक्त केलंय. बॉक्स ऑफिसवरही या सिनेमानं उल्लेखनीय कामगिरी केली असून, 2026 मधील यशस्वी मराठी सिनेमांपैकी एक म्हणून त्याची गणना केली जातेय. मराठी प्रेक्षकांबरोबरच समीक्षकांकडूनही सिनेमाचं कौतुक करण्यात आलंय.
'देऊळ बंद 2'ची आठवड्याची कमाई (Deool Band 2 Weekly Collection)
'देऊळ बंद 2' सिनेमानं पहिल्या आठवड्यात 30.2 कोटी रुपयांची कमाई केलीय. दुसऱ्या आठवड्यात सिनेमानं 22.4 कोटींचा गल्ला जमवला आहे. 16व्या दिवशी सिनेमानं 1.4 कोटी रुपये कमावलेत. तर, 17व्या दिवशी 2.6 कोटी रुपये, 18 व्या दिवशी 3.15 कोटी रुपये, 19 व्या दिवशी 1.15 कोटी रुपये आणि 20 व्या दिवशी 1.1 कोटी रुपयांची कमाई केलीय.
'देऊळ बंद 2' मराठीतला सर्वाधिक कमाई करणारा चौथा सिनेमा
'देऊळ बंद 2' मराठीतला सर्वाधिक कमाई करणारा चौथा मराठी सिनेमा ठरलाय. या सिनेमानं रितेश रितेश देशमुखच्या 'वेड'ला मागे टाकले आहे. सर्वाधिक कमाई करणाऱ्या पहिल्या १० चित्रपटांची यादी पाहता, 105.64 कोटी रुपयांची कमाई करून 'राजा शिवाजी' पहिल्या स्थानावर आहे. 90 कोटी रुपयांच्या कमाईसह 'सैराट' दुसऱ्या स्थानावर आहे. 76.28 कोटी रुपयांच्या संकलनासह 'बाईपण भारी देवा' तिसऱ्या क्रमांकावर आहे. 62 कोटी रुपयांच्या कमाईसह 'देऊळ बंद 2' चौथ्या स्थानावर आला आहे. 61.2 कोटी रुपयांची कमाई करणारा 'वेड' पाचव्या स्थानावर आहे.
'नटसम्राट' (42 कोटी रुपये) सहाव्या स्थानावर आहे; त्यानंतर 'पावनखिंड' (37.72 कोटी रुपये) सातव्या, 'लय भारी' (37 कोटी रुपये) आठव्या, 'कट्यार काळजात घुसली' (35 कोटी रुपये) नवव्या आणि 'ठाकरे' (31.6 कोटी रुपये) दहाव्या स्थानावर आहेत. या चित्रपटात मोहन जोशी आणि स्नेहल तरडे यांसारखे कलाकार मुख्य भूमिकेत आहेत.
महत्त्वाच्या इतर बातम्या :
महत्त्वाच्या बातम्या
