Deepali Sayyed On Raja Shivaji: 'राजा शिवाजी' पाहिल्यानंतर दिपाली सय्यद यांची प्रतिक्रिया, Video करत म्हणाल्या, 'वाटलेलं काय सिनेमा केला असेल..'
महाराष्ट्र दिनादिवशी या चित्रपटाच्या 'प्रीमियर शो'ला बिग बॉस मराठीच्या सहाव्या टॉप 5 मध्ये पोहोचलेली अभिनेत्री दिपाली सय्यद यांनी 'राजा शिवाजी ' चित्रपट पाहून आपली प्रतिक्रिया दिली आहे
Deepali Sayyed On Raja Shivaji: महाराष्ट्र दिनाच्या मुहूर्तावर अभिनेता रितेश देशमुख अभिनित, दिग्दर्शित 'राजा शिवाजी ' चित्रपट देशभरातील चित्रपटगृहांमध्ये प्रदर्शित झाला. या चित्रपटाची गेल्या काही दिवसांपासून प्रचंड चर्चा होती. अगदी पहिलाच दिवशी या चित्रपटाने बॉक्स ऑफिसवर आपला दबदबा निर्माण केलाय. मराठी आणि हिंदी आवृत्तीमधून या चित्रपटाने 11.35 कोटींची कमाई केलीय. महाराष्ट्र दिना दिवशी या चित्रपटाच्या 'प्रीमियर शो'ला बिग बॉस मराठीच्या सहाव्या टॉप 5 मध्ये पोहोचलेली अभिनेत्री दिपाली सय्यद यांनी 'राजा शिवाजी ' चित्रपट पाहून आपली प्रतिक्रिया दिली आहे. या प्रतिक्रियेची सध्या एकच चर्चा आहे.
काय म्हणाल्या दीपाली सय्यद ?
दिपाली सय्यद म्हणाल्या," महाराष्ट्र दिनाच्या आणि कामगार दिनाच्या खूप खूप शुभेच्छा. मी कालच राजा शिवाजी चित्रपट पाहून आले. प्रीमियर होता काल. मला तुम्हाला शेअर करायचं आहे. माझ्या मनातलं सांगायचंय . चित्रपट बघितल्यानंतर मी तुम्हाला सांगू शकते की काय अप्रतिम सिनेमा बनवलाय . रितेश विलासराव देशमुख उर्फ भाऊ यांचं काय कौतुक करू. आपल्या सगळ्यांना असं वाटत होतं की काय सिनेमा बनवला असेल. खूप लोकांनी ट्रोल पण केलं त्यांना. ते बघितल्यानंतर मला असं वाटत होतं की खरंच एवढं ट्रोल करण्यासारखं काही केलंय का त्यांनी. पण चित्रपट पाहिला आणि प्रत्येक भूमिका ज्या पद्धतीने निभावली आहे. मग ती शिवरायांचे असू दे, जिजाऊंची असू देत सई मातांचा असू देत. अफजलखानांचा असू दे. आणि स्वतः शिवाजी महाराजांचा रोल, जो रितेशजींनी केलाय तो. इतका अप्रतिम केलाय."
View this post on Instagram
"हा चित्रपट बनवण्याच्या मागे महाराजांनी आपल्यासाठी जे केलं, ज्या महाराष्ट्रात आपण नाक वर करून चालतो ते फक्त महाराजांमुळेच.अशा महाराजांवरती चित्रपट बनवला गेलाय . आणि माझं त्यामुळे चित्रपट बनवणाऱ्याचं काळीजही तसंच लागणार होतं. मला खरंच कौतुक आहे रितेशजींचं. इतका सुंदर चित्रपट बनवलाय . प्रत्येकानं घराच्या बाहेर निघून हा चित्रपट नक्की बघितला पाहिजे. सगळ्यांना विनंती करेन एकाही व्यक्तीने हा चित्रपट बघणं सोडू नये. चित्रपटगृहांत हा चित्रपट पहावा. " असं दिपाली सय्यद म्हणाल्या.
महत्त्वाच्या बातम्या
