टिझरमध्येच नरभक्षण दाखवलं, सेन्सॉरनं चित्रपट अडवला, बॉलिवूडच्या दिग्दर्शकाचा संताप, म्हणाले...

सेंट्रल बोर्ड ऑफ फिल्म सर्टिफिकेशन (CBFC) ने या चित्रपटाला सर्टिफिकेट देण्यास नकार दिल्याने नवा वाद निर्माण झाला आहे.

Charak controversy

Source : ABPLIVE AI

Sudipto Sen: सध्या केरळ स्टोरीचे दिग्दर्शक सुदिप्तो सेन वादाच्या भाेवऱ्यात सापडले आहेत. एका बाजूला ‘द केरल स्टोरी 2’ या चित्रपटावरून वाद सुरू असताना, ‘द केरल स्टोरी’चे दिग्दर्शक सुदीप्तो सेन त्यांच्या आगामी ‘चरक: फेअर ऑफ फेथ’ या चित्रपटाच्या क्लिअरन्सवरून अडचणीत सापडले आहेत. सेंट्रल बोर्ड ऑफ फिल्म सर्टिफिकेशन (CBFC) ने या चित्रपटाला सर्टिफिकेट देण्यास नकार दिल्याने नवा वाद निर्माण झाला आहे.

‘चरक’मधील दृश्यांवर आक्षेप

रिलीजच्या काही आठवडे आधीच CBFC ने सर्टिफिकेट नाकारत हा चित्रपट रिव्ह्यू कमिटीसमोर पाठवला आहे. सुदीप्तो सेन यांच्या म्हणण्यानुसार, या चित्रपटात काही विशिष्ट हिंदू पंथांतील गुप्त प्रथांचे चित्रण करण्यात आले आहे. या प्रथांमध्ये कथित मानवी बळी आणि धार्मिक नरभक्षण दाखवण्यात आल्याचा दावा केला जात आहे.

बॉलीवूडचे दिग्दर्शक सुदीप्तो सेन यांच्या आगामी ‘चरक: आस्था का मेला’ या चित्रपटाचा टीझर सध्या सोशल मीडियावर तुफान चर्चेत आहे. अवघ्या 52 सेकंदांच्या या टीझरमध्ये अंधश्रद्धा, तांत्रिक प्रथा आणि अंधभक्तीचं भयावह चित्रण पाहायला मिळतं. विशेष म्हणजे एका दृश्यात तांत्रिक मृतदेहाला फाडून खाताना दाखवण्यात आलं आहे, ज्यामुळे प्रेक्षकांच्या अंगावर अक्षरशः काटा येतोय. हा चित्रपट येत्या 6 मार्च 2026 रोजी चित्रपटगृहात प्रदर्शित होणार होता.आता सेन्सॉर बोर्डाच्या क्लियरन्समुळे चित्रपट पुढे सरकतो की नाही याकडे प्रेक्षकांचे लक्ष आहे. दरम्यान दिग्दर्शक सुदीप तो सेन यांनी त्यांची नाराज व्यक्त केली.

सुदीप्तो सेन यांची नाराजी

News18 शी बोलताना सुदीप्तो सेन यांनी सेन्सॉर बोर्डाच्या निर्णयावर नाराजी व्यक्त केली. त्यांनी सांगितले की, नरभक्षण दाखवलेल्या दृश्यांवर कात्री चालवण्यास सांगण्यात आले आहे.ते म्हणाले, “मला खरंच कळत नाही की क्लिअरन्स का दिला गेला नाही. मी काही कट्स आणि काही व्हिज्युअल्स काढण्यास तयार आहे, पण आता प्रश्न संपूर्ण चित्रपटावरच उपस्थित केला जातोय.”

बैठकीनंतरही तोडगा नाही

सुदीप्तो सेन पुढे म्हणाले,“आता मी फक्त आशा करू शकतो. मागील बैठकीत मला सांगितले होते की चित्रपटाकडे सहानुभूतीने पाहिले जाईल. आम्ही काल्पनिक नाही, तर दस्तऐवजीकृत सामग्री सादर केली आहे. पण सत्य नेहमी टोचतं.” दरम्यान, रिव्ह्यू कमिटीचा निर्णय काय येतो आणि ‘चरक’ला अखेर हिरवा कंदील मिळतो का, याकडे सर्वांचे लक्ष लागले आहे.

हेही वाचा: