Armaan Malik Gym Fees:युट्यूबर अरमान मलिकची नवी जिम; एका महिन्याची फी ऐकून व्हाल थक्क!

नुकत्याच एका  व्लॉगमध्ये अरमाननं (Armaan Malik) त्याच्या नव्या जिमची माहिती दिली. या जिमची एका महिन्याची फी देखील अरमाननं या व्लॉगमध्ये सांगितली आहे. 

youtuber armaan malik

 Armaan Malik Gym Fees: प्रसिद्ध युट्यूबर अरमान मलिक (Armaan Malik) हा त्याच्या वैयक्तिक आयुष्यामुळे चर्चेत असतो.   पायल आणि कृतिका  या अरमानच्या दोन पत्नी आहेत.काही दिवसांपूर्वी अरमानची दुसरी पत्नी कृतिकानं एका गोंडस बाळाला जन्म दिला. अरमानची पहिली पत्नी पायल देखील लवकरच आई होणार आहे.अरमान हा त्याच्या व्लॉगमधून त्याच्या आयुष्यामध्ये घडलेल्या घडामोडींची माहिती चाहत्यांना देतो. नुकत्याच एका  व्लॉगमध्ये अरमाननं त्याच्या नव्या जिमची माहिती दिली. या जिमची एका महिन्याची फी देखील अरमाननं या व्लॉगमध्ये सांगितली आहे. 

अरमान मलिकने घराच्या टेरेसवर जिम सुरू केली आहे. अरमानने त्याच्या नव्या व्लॉगमध्ये  चाहत्यांना जिम दाखवली. त्याच्या जिममध्ये सर्व मशीन्स आहेत. या जिमची एरा महिन्याची फी एक लाख रुपये आहे, असं त्यानं या व्लॉगमध्ये सांगितलं. तो म्हणाला,  '1 लाख एका महिन्याची फी आहे. यामध्ये दोन सेशन असतील, 10-10 मिनिटे कार्डिओ असेल. आम्ही फक्त बटण दाबूनच जाणार बाकी एक्सरसाइज तुम्हाला करावी लागेल. ' जिमच्या फीचे पैसे अरमान हा अनाथ आश्रम किंवा वृद्धाश्रमला देणार आहे, असं त्यानं या व्लॉगमध्ये सांगितलं.

अरमान मलिकची दुसरी पत्नी कृतिकाचा तीन वेळा गर्भपात झाला होता. आता कृतिकानं गूड न्युज दिली आहे. अरमानची पहिली पत्नी पायल मलिक देखील लवकरच गोड बातमी देणार आहे.  अरमान आणि त्याची पहिली पत्नी पायल यांना एक मुलगा आहे, ज्याचे नाव चिरायू आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Armaan Malik (@armaan__malik9)

अरमान मलिकला अनेक वेळा त्याच्या वैयक्तिक आयुष्यामुळे ट्रोल केले जाते. एबीपी न्युजला दिलेल्या मुलाखतीमध्ये अरमानला ट्रोलर्सबाबत प्रश्न विचारण्यात आला. यावेळी अरमान मलिक म्हणाला, 'हजार लोक कमेंट करत असतात. लोक माझे व्लॉग बघतात. ज्यांचे विचार छोटे असतात ते अशा प्रकारचे निगेटिव्ह कमेंट्स करतात. मी माझ्या कुटुंबाचे कोणतेही फोटो शेअर करेल. ट्रोल करणाऱ्यांच्या कमेंट्समुळे मला काहीच फरक पडत नाही. '

कोण आहे अरमान? 

अरमान मलिक हा प्रसिद्ध युट्यूबर आहे. तो युट्यूबवर त्याचे व्लॉग अपलोड करतो. अरमाननं पायलसोबत 2011 मध्ये लग्न केले. त्यानंतर त्यानं 2018 मध्ये कृतिकासोबत लग्न केलं. अरमान त्याच्या दोन्ही पत्नींसोबत एकाच घरात राहतो. 

वाचा इतर महत्वाच्या बातम्या: