Nawazuddin Siddiqui: 'स्क्रिप्ट निवडताना खूप काळजी घेईन'; नवाजुद्दीनच्या वक्तव्यानं वेधलं लक्ष
Nawazuddin Siddiqui: 'सेक्शन 108' या चित्रपटाच्या टीझर लॉन्चच्या कार्यक्रमाच्या वेळी, नवाजुद्दीननं सांगितलं की, 'मी माझ्या स्क्रिप्ट निवडताना खूप काळजी घेईन'
Nawazuddin Siddiqui: अभिनेता नवाजुद्दीन सिद्दीकी (Nawazuddin Siddiqui) हा बॉलिवूडमधील टॅलेंटेड अभिनेत्यांपैकी एक आहे. नवाजुद्दीन हा त्याच्या अभिनयानं नेहमीच प्रेक्षकांची मनं जिंकतो. नवाजुद्दीन हा 'सेक्शन 108' या एका सस्पेन्स ड्रामा फिल्ममधून प्रेक्षकांच्या भेटीस येणार आहे. या चित्रपटाचा टीझर नुकताच लाँच करण्यात आला आहे. चित्रपटाच्या टीझरमध्ये नवाज एका खास लूकमध्ये दिसत आहे. 'सेक्शन 108' या चित्रपटाच्या टीझर लॉन्चच्या कार्यक्रमाच्या वेळी, नवाजुद्दीननं सांगितलं की, 'मी माझ्या स्क्रिप्ट निवडताना खूप काळजी घेईन'
काय म्हणाला नवाजुद्दीन?
सेक्शन 108 या चित्रपटाच्या ट्रेलर लाँचवेळी घेण्यात आलेल्या मुलाखतीमध्ये नवाजुद्दीन सिद्दीकीनं सांगितलं, '2024 मध्ये काय होईल? हे मला माहीत नाही. पण हो, मी माझ्या स्क्रिप्ट निवडताना खूप काळजी घेईन. माझे काही प्रयोग मी ठरल्याप्रमाणे झाले नाहीत. म्हणून आता हुशारीने स्क्रिप्ट्स निवडेन. मी आता फक्त चांगले चित्रपट करण्याचा प्रयत्न करेन.' नवाजुद्दीनच्या या वक्तव्यानं अनेकांचे लक्ष वेधले आहे.
सेक्शन 108 कधी येणार प्रेक्षकांच्या भेटीस?
सेक्शन 108 या चित्रपटाबद्दल ते म्हणाले: "ही एक अप्रतिम कथा आहे. चित्रपटातील माझी व्यक्तिरेखा खूप मनोरंजक आहे." सेक्शन 108 या चित्रपटात नवाजुद्दीन सिद्दीकीसोबतच रेजिना कॅसांड्रा, आसिफ खान, रुमी खान, सानंद वर्मा, अलीशा ओहरी आणि सहर्ष कुमार शुक्ला या कलाकारांच्या देखील प्रमुख भूमिका आहेत. हा चित्रपट 2 फेब्रुवारी 2024 रोजी प्रेक्षकांच्या भेटीस येणार आहे.
View this post on Instagram
नवाजुद्दीनचे चित्रपट
सेक्शन 108 या चित्रपटासोबत नवाजुद्दीनच्या हड्डी या चित्रपटाची प्रेक्षक उत्सुकतेने वाट बघत आहेत. हड्डी हा चित्रपट 7 सप्टेंबर 2023 रोजी झी-5 या ओटीटी प्लॅटफॉर्मवर रिलीज होणार आहे. या चित्रपटाचा ट्रेलर काही दिवसांपूर्वी रिलीज झाला होता. गँग ऑफ वासेपूर, मंटो, बजरंगी भाईजान या नवाजुद्दीनच्या चित्रपटांना प्रेक्षकांची विशेष पसंती मिळाली. सेक्रेड गेम्स या वेब सीरिजमधील नवाजुद्दीनच्या अभिनयाचं अनेकांनी कौतुक केलं होतं. या सीरिजचे दोन सीझन प्रेक्षकांच्या भेटीस आले. या दोन्ही सीझन्सला प्रेक्षकांची पसंती मिळाली. आता नवाजुद्दीनच्या आगामी चित्रपटांची प्रेक्षक उत्सुकतेने वाट बघत आहेत.
संबंधित बातम्या:
महत्त्वाच्या बातम्या
