Yash Raj Films Spy Universe: यशराज फिल्म्स (Yash Raj Films) हे हिंदी चित्रपटसृष्टीतील प्रसिद्ध प्रॉडक्शन हाऊस आहे. यशराज फिल्म्सने हिंदी इंडस्ट्रीला एकापेक्षा एक सुपरहिट चित्रपट दिले आहेत. स्पाय थ्रिलर चित्रपटाची निर्मीती देखील यशराज फिल्म्स बॅनरने केली आहे. काही महिन्यांपूर्वी रिलीज झालेल्या सुपरस्टार शाहरुख खानच्या (Shah Rukh Khan) पठाण (Pathaan) या चित्रपटाची निर्मिती देखील यशराज फिल्म्सनं केली. पठाण चित्रपटाच्या यशानंतर यशराज फिल्म्सच्या स्पाय युनिव्हर्समधील काही चित्रपट देखील लवकरच प्रेक्षकांच्या भेटीस येणार आहेत. जाणून घेऊयात या चित्रपटांच्या नावाबद्दल...
तरण आदर्शनं सोशल मीडियावर पोस्ट शेअर करुन यशराज फिल्म्सच्या स्पाय युनिव्हर्समधील आगामी चित्रपटांची नावं चाहत्यांना सांगितली आहेत. वॉर 2 (War 2), टाइगर 3, (Tiger 3), टाइगर वर्सेज पठाण (Tiger Vs Pathaan) हे तीन यशराज फिल्म्सच्या स्पाय युनिव्हर्समधील आगामी चित्रपट आहेत. याआधी यशराज फिल्म्सनं एक था टायगर, टायगर जिंदा है, वॉर आणि पठाण या स्पाय चित्रपटांची निर्मिती केली. आता यशराज फिल्म्सच्या आगामी चित्रपटांची प्रेक्षक उत्सकतेने वाट बघत आहेत.
अजून वॉर 2, टाइगर 3, टाइगर वर्सेज पठाण या चित्रपटांची रिलीज डेट जाहीर करण्यात आलेली नाही. यामधील वॉर 2 (War 2) या चित्रपटाच्या दिग्दर्शनाची जबाबदारी आदित्य चोप्रा हे अयानला (Ayan Mukerji) देणार आहेत, असं म्हटलं जात आहे.
यशराज फिल्म्सनं चार स्पाय थ्रिलर चित्रपटांची निर्मिती केली. आता या चित्रपटांची निर्माती करणाऱ्या कंपनीच्या आगामी चित्रपटांची प्रेक्षक उत्सुकतेने वाट बघत आहेत. यामधील टाइगर 3 या चित्रपटात सलमान खान आणि कतरिना कतरिना कैफ हे प्रमुख भूमिका साकारणार आहेत. 'एक था टायगर' हा चित्रपट 2012मध्ये रिलीज झाला होता. चित्रपटाच्या पाच वर्षानंतर म्हणजेच 2017 मध्ये 'टायगर जिंदा है' रिलीज झाला होता, ज्याला प्रेक्षकांचा चांगला प्रतिसाद मिळाला. आता या चित्रपटाचा तिसरा भाग म्हणजेच टायगर-3 प्रेक्षकांच्या भेटीस येणार आहे.
2019 मध्ये रिलीज झालेल्या 'वॉर' चित्रपटाचे दिग्दर्शन सिद्धार्थ आनंद यांनी केले होते. या चित्रपटात हृतिकसोबतच टायगर श्रॉफचीही भूमिका होती. आता वॉर चित्रपटाच्या दुसऱ्या भागाची प्रेक्षक उत्सुकतेने वाट बघत आहेत.
महत्त्वाच्या इतर बातम्या :