Ayan Mukerji: फिल्ममेकर अयान मुखर्जीनं (Ayan Mukerji) नुकतीच सोशल मीडियावर (Social Media) एक पोस्ट शेअर करुन 'ब्रह्मास्त्र भाग 2: देव' (Brahmastra Part 2: Dev) आणि 'ब्रह्मास्त्र भाग 3' (Brahmastra Part 3) ची टाइमलाइन जाहीर केली. अयाननं या पोस्टद्वारे चाहत्यांना सांगितले की, या दोन्ही चित्रपटांची निर्मिती एकाच वेळी केली जाणार आहे. 'ब्रह्मास्त्र भाग 2: देव' हा चित्रपट 2026 मध्ये तर 2027 मध्ये 'ब्रह्मास्त्र भाग 3' रिलीज केला जाईल असंही त्यानं या पोस्टच्या माध्यामतून चाहत्यांना सांगितलं. या पोस्टमध्ये अयाननं त्याच्या एका 'स्पेशल' चित्रपटाचा देखील उल्लेख केला आहे. हा चित्रपट कोणता आहे? असा प्रश्न चाहत्यांना पडला आहे.
अयाननं पोस्टमध्ये लिहिलं, 'द युनिव्हर्सने मला एक खास संधी दिली आहे. एका स्पेशल चित्रपटाचे दिग्दर्शिन करण्याची संधी मला मिळत आहे. चित्रपटाबद्दल मी योग्य वेळ आली की सांगेन. या चित्रपटामुळे मला बरेच काही शिकायला मिळेल.'
अयाननं त्याच्या पोस्टमध्ये उल्लेख केला आहे की, तो एका स्पेशल चित्रपटाचे दिग्दर्शन करणार आहे. हा चित्रपट कोणता असेल? असा प्रश्न नेटकऱ्यांना पडला. सूत्रांच्या माहितीनुसार,आदित्य चोप्रा हे वॉर 2 च्या दिग्दर्शनाची जबाबदारी अयानला देणार आहेत, असं म्हटलं जात आहे. अयानने भारतीय प्रेक्षकांना आकर्षित करणारे हिट चित्रपट दिले आहेत. लार्ज स्केलवर चित्रपट कसा बसवायचा हे त्याने दाखवून दिले आहे.
अयानची पोस्ट
2019 मध्ये रिलीज झालेल्या 'वॉर' चित्रपटाचे दिग्दर्शन सिद्धार्थ आनंद यांनी केले होते. या चित्रपटात हृतिकसोबतच टायगर श्रॉफचीही भूमिका होती. आता वॉर चित्रपटाच्या दुसऱ्या भागाची प्रेक्षक उत्सुकतेने वाट बघत आहेत.
'ब्रह्मास्त्र' हा सिनेमा 2022 मध्ये ब्लॉकबस्टर ठरला होता. अयान मुखर्जी दिग्दर्शित या सिनेमाचं सर्वत्र कौतुक झालं. ब्रह्मास्त्र चित्रपटाच्या पहिल्या भागात रणबीरनं शिवा आणि आलियानं ईशा ही भूमिका साकारली आहे. आता आयानच्या ब्रह्मास्त्र या चित्रपटाच्या दुसऱ्या भागात देव या भूमिकेची कथा दाखवण्यात येणार आहे. या चित्रपटानं बॉक्स ऑफिसवर रेकॉर्ड ब्रेक कमाई केली.
महत्त्वाच्या इतर बातम्या :