Extraction 2 Teaser: नेटफ्लिक्सवर (Netflix) विविध हॉलिवूड फिल्म्स रिलीज होत असतात. लवकरच नेटफ्लिक्स या ओटीटी (Ott) प्लॅटफॉर्मवर एक्स्ट्रॅक्शन 2 (Extraction 2) हा चित्रपट रिलीज होणार आहे. एक्स्ट्रॅक्शन 2 (Extraction 2) या हॉलिवूड (Hollywood Movie) फिल्मची चाहते आतुरतेने वाट बघत आहेत. या चित्रपटाच्या पहिला भागाला प्रेक्षकांची पसंती मिळाली. एक्स्ट्रॅक्शन 2 चित्रपटाच्या निर्मात्यांनी या चित्रपटाचा जबरदस्त टीझर नुकताच रिलीज केला आहे. सध्या या टीझरची चर्चा सोशल मीडियावर होत आहे. या टीझरमध्ये अभिनेता ख्रिस हेम्सवर्थचा (Chris Hemnsworth) हटके अंदाज पहायला मिळत आहे.
एक्स्ट्रॅक्शन 2 चित्रपटाचा टीझर हिंदी भाषेत देखील प्रदर्शित करण्यात आला. या 2 मिनट 1 सेकंदाचा टीझरला प्रेक्षकांची पसंती मिळत आहे. या टीझरमध्ये मार्वल चित्रपटांमध्ये थॉर ही भूमिका साकारणारा अभिनेता ख्रिस हेम्सवर्थ हा अॅक्शन मोडमध्ये दिसत आहे. टीझरमध्ये ख्रिस हेम्सवर्थ हा त्याच्या शत्रूंसोबत लढताना दिसत आहे.
पाहा टीझर
बॉलिवूडमधील हा अभिनेता देखील साकारणार भूमिका
एक्स्ट्रॅक्शन 2 या चित्रपटात एक बॉलिवूड अभिनेता देखील महत्वाची भूमिका साकारणार आहे. एक्स्ट्रॅक्शन चित्रपटाच्या पहिल्या भागात अभिनेता पंकज त्रिपाठी (Pankaj Tripathi) आणि रणदीप हुड्डा (Randeep Hooda) यांनी प्रमुख भूमिका साकारली होती. आता या चित्रपटाच्या दुसऱ्या भागामध्ये अभिनेता प्रियांशु पेनयुली (Priyanshu Painyuli) हा महत्वाची भूमिका साकारणार आहे. प्रियांशु पेनयुलीला मिर्झापूर या वेब सीरिजमुळे विशेष लोकप्रियता मिळाली होती.
एक्स्ट्रॅक्शन 2 चा हिंदी टीझर
कधी रिलीज होणार एक्स्ट्रॅक्शन 2?
एक्स्ट्रॅक्शन 2 हा अॅक्शन-थ्रिलर चित्रपट आहे. जर तुम्हाला अॅक्शन फिल्म्स बघायला आवडत असतील, तर तुम्ही ख्रिस हेम्सवर्थचा हा चित्रपट पाहू शकता. या चित्रपटाचे लेखन रुसो ब्रदर्स यांनी केले आहे. त्यांनी यापूर्वी 'द ग्रे मॅन' आणि 'अॅव्हेंजर्स एंडगेम' सारखे चित्रपट दिग्दर्शित केले. ख्रिस हेम्सवर्थ व्यतिरिक्त 'एक्स्ट्रॅक्शन 2' मध्ये गोलशिफ्तेह फराहानी, अॅडम बेसा आणि डॅनियल बर्नहार्ट देखील प्रमुख भूमिका साकारण आहेत. 16 जून रोजी हा चित्रपट नेटफ्लिक्स या ओटीटी प्लॅटॉफॉर्मवर रिलीज होणार आहे.
महत्त्वाच्या इतर बातम्या :