विकी कौशलसोबतच्या रिलेशनशीपवर हरलीनकडून शिक्कामोर्तब?

हरलीन सेठीने इन्स्टाग्रामवर विकी कौशलसोबत फोटो शेअर केला आहे. यावरुन दोघं रिलेशनशीपमध्ये असल्याची अटकळ बांधली जात आहे

मुंबई : बॉलिवूडचा उगवता तारा विकी कौशलला डेट करण्याची स्वप्नं अनेक तरुणी पाहतात. मात्र विकीने अनेक जणींच्या हृदयांचा चुराडा केला आहे. विकी कौशल अभिनेत्री हरलीन सेठीसोबत रिलेशनशीपमध्ये असल्याची चर्चा आहे. हरलीनने इन्स्टाग्रामवर विकीसोबत फोटो शेअर केला आहे. यामध्ये दोघं एकाच रंगाचे स्वेटशर्ट घातलेले दिसत आहेत. 'हाऊज द जोश' असं या टीशर्टवर लिहिलं आहे. 'हाय सर!' असं कॅप्शन हरलीनने या फोटोला दिलं आहे. विकीच्या 'उरी' चित्रपटातला हा संवाद सोशल मीडियावर गाजत आहे. हरलीन सेठीने यापूर्वी काही जाहिरातींमध्ये काम केलं आहे. 'अल्टबालाजी'च्या 'ब्रोकन बट ब्यूटिफूल' या वेब सीरिजमध्येही हरलीन विक्रांत मस्सीसोबत झळकली होती. विकीने आपल्या रिलेशनशीपबाबत कधीच कबुली दिली नाही. मात्र 'कॉफी विथ करण'मध्ये त्याने आपण सिंगल नसल्याचं सांगितलं होतं. 'नव्याने रिलेशनशीपमध्ये अडकलो असून हे नातं आम्ही गांभीर्याने घेतलं आहे' असं विकी म्हणाला होता. अमृतपाल सिंह या मित्राच्या पार्टीत विकी हरलीनला भेटला होता. विकीवर क्रश असलेली एक तरुणी त्याला भेटायला या पार्टीत आली होती. मात्र विकीचं कनेक्शन हरलीनशी जुळल्याचं म्हटलं जातं.

View this post on Instagram

 

High Sir! #URI

A post shared by Harleen Sethi (@itsharleensethi) on Jan 16, 2019 at 10:12pm PST