Raj Kundra Favourite Heroine: शिल्पा शेट्टीच्या पतीला 'या' अभिनेत्रीसोबत करायचंय काम; राज कुंद्रा म्हणाला, "ती मला खूप आवडते"
Raj Kundra Favourite Heroine: यूटी 69 या चित्रपटानंतर आता राज कुंद्राला बॉलिवूडमधील एका प्रसिद्ध अभिनेत्रीसोबत काम करायचं आहे.
Raj Kundra Favourite Heroine: बॉलिवूडमधील प्रसिद्ध अभिनेत्री शिल्पा शेट्टीचा (Shilpa Shetty) पती राज कुंद्रा (Raj Kundra) हा गेल्या काही दिवसांपासून त्याच्या यूटी 69 या चित्रपटामुळे सध्या चर्चेत आहे. हा चित्रपट शुक्रवारी (3 नोव्हेंबर) प्रेक्षकांच्या भेटीस आला. चित्रपटानं ओपनिंग-डेला 10 लाख रुपयांची कमाई केली. आता यूटी 69 हा चित्रपट वीकेंडला जास्त कमाई करेल, असा अंदाज लावला जात आहे. यूटी 69 या चित्रपटानंतर आता राज कुंद्राला बॉलिवूडमधील एका प्रसिद्ध अभिनेत्रीसोबत काम करायचं आहे.
राज कुंद्रानं व्यक्त केली या अभिनेत्रीसोबत काम करण्याची इच्छा
राज कुंद्राने सांगितले की, त्याला आता बॉलिवूडमधील हिरोईनसोबत चित्रपट करायचा आहे. एका चॅट शोमधील 'रॅपिड फायर सेगमेंट' दरम्यान, राज कुंद्राने दीपिका पदुकोणसोबत (Deepika Padukone) काम करण्याची इच्छा व्यक्त केली. दीपिका पदुकोणसोबत काम करायला आवडेल असं राज कुंद्रा सांगतो. ती मला खूप आवडते, असंही राजनं सांगितलं.
पॉर्न फिल्म प्रकरणी राज कुंद्रा खटला चालू होता. तेव्हा त्याचा कैदी क्र. 69 होते. म्हणूनच या चित्रपटाचे नाव UT 69 असे ठेवण्यात आले आहे.
View this post on Instagram
पॉर्नोग्राफी प्रकरणात राज कुंद्राला जुलै 2021 मध्ये अटक करण्यात आली होती. जवळपास दोन महिने राज अटकेत होता. त्यानंतर त्याला सप्टेंबर 2021 मध्ये जामीन मिळाला. पोर्नोग्राफी प्रकरणी राज कुंद्राला पोलिसांनी ताब्यात घेतले होते. तेव्हा तुरुंगात फक्त 3-4 दिवस राहावे लागेल असं राजला वाटलं होतं. पण त्याला तब्बल 63 दिवस तुरुंगात राहावे लागले. त्यानंतर आर्थर रोड जेलमध्ये राजला कोणकोणते अनुभव आले, यावर UT 69 या चित्रपटाचे कथानक आधारित आहे.
राज कुंद्रानेही UT 69 या चित्रपटातून अनेक खुलासे केले आहेत. शिल्पा शेट्टी ही राज तुरुंगात असताना त्याला पत्र लिहायची. त्या पत्रांमध्ये शिल्पा तिच्या शूटिंग आणि मुलांबद्दल राजला सांगायची. तुरुंगात राहिल्यानंतर राज कुंद्रा शाकाहारीचा मांसाहारी झाला. UT 69 चित्रपटाचा ट्रेलर रिलीज झाल्यापासूनच हा चित्रपट चर्चेत होता.
वाचा इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
