सैफ अली खान हल्ला प्रकरणावरुन 'विश्वसुंदरी'चा घुमजाव; ट्रोल झाल्यावर अभिनेत्री उर्वश रौतेला म्हणाली...

Saif Ali Khan Knife Attack : अभिनेता सैफ अली खानच्या राहत्या घरी घुसून एका चोराने त्याच्यावर चाकूहल्ला केला.

Urvashi Rautela Reaction on Saif Ali Khan Knife Attack

Source : instagram

Urvashi Rautela on Saif Ali Khan Attack : विश्वसुंदरी उर्वशी रौतेला सध्या सोशल मीडियावर ट्रोल होत आहे. अभिनेता सैफ अली खान हल्ला प्रकरणावर तिने दिलेल्या प्रतिक्रियेनंतर सोशल मीडियावर तिला ट्रोलिंगचा सामना करावा लागत आहे. उर्वशी रौतेलाला एका मुलाखतीत सैफच्या हल्ल्यासंदर्भात विचारण्यात आलं, त्यावेळी तिने सैफच्या तब्येतीबद्दल बोलण्याऐवजी तिच्या चित्रपटाबद्दल आणि इतर गोष्टींबद्दल चर्चा केली. यानंतर ती सोशल मीडियावर चांगलीच ट्रोल होत आहे. 

सैफ अली खान हल्ला प्रकरणावरुन उर्वश रौतेला झाली ट्रोल

मुलाखतीतील सैफ अली खानच्या प्रश्नावर उर्वशी रौतेलाची प्रतिक्रिया समोर येताच नेटकऱ्यांनी तिला निशाण्यावर धरलं आहे. उर्वशी रौतेलाच्या या मुलाखतीचा व्हिडीओ सोशल मीडियावर प्रचंड व्हायरल होत आहे. एएनआयने उर्वशीच्या नव्या चित्रपटाच्या पार्श्वभूमीवर तिची मुलाखत घेतली. यामध्ये उर्वशी रौतेलाला सैफ अली खानच्या प्रकृतीबद्दल विचारलं असता, तिने त्याच्या प्रकृतीबद्दल काहीही म्हटलं नाही तर, तिच्या नवीन चित्रपटाबद्दल आणि इतर काही समस्यांबद्दल सांगितलं. यानंतर तिला ट्रोल केलं गेल्यानंतर आता तिने तिच्या वक्तव्याबाबत स्पष्टीकरण दिलं आहे.

"प्रत्येकजण वेगळीच कहाणी सांगत आहे"

उर्वशीने खुलासा करताना सांगितलं आहे की, सैफ अली खान हल्ल्याशी संबंधित प्रश्नाचं उत्तर देताना तिला खूप काळजी घ्यायला हवी होती. अभिनेत्री उर्वशीने या घटनेबद्दल स्पष्टीकरण देताना म्हटलं आहे की, 'सैफसोबत पहाटे 4 वाजता ही दुर्घटना घडली आणि माझी मुलाखत सकाळी 8 वाजता होती. त्यामुळे, मला याबद्दल पूर्णपणे माहिती नव्हती. मला फक्त एवढंच आठवतं की, जेव्हा मी सकाळी उठले, तेव्हा कोणीतरी मला सांगितलं की, त्याला दुखापत झाली आहे. सैफ इतका गंभीर जखमी झाला आहे, हे मला माहित नव्हतं. माझ्या प्रार्थना त्याच्यासोबत आहेत. आता तो बरा झाला आहे, पण मला अजूनही कळलेलं नाही की, नेमकं काय झालं होतं. कारण, प्रत्येकजण वेगळीच कहाणी सांगत आहे, त्यामुळे कोणावर विश्वास ठेवावा किंवा काय प्रतिसाद द्यावा, हे मला कळत नाही, असं उर्वशीने म्हटलं आहे. तिने फिल्मफेअरला दिलेल्या मुलाखतीत हे वक्तव्य केलं आहे.

उर्वशी सैफबद्दल काय म्हणाली होती?

सैफ अली खानवर त्याच्या वांद्रे येथील निवासस्थानी झालेल्या चाकू हल्ल्याबद्दल विचारल्यावर उर्वशी मुलाखतीत म्हणाली होती की, "ही खूप दुःखद घटना आहे. आता, डाकू महाराजने बॉक्स ऑफिसवर 105 कोटी रुपयांचा टप्पा ओलांडला आहे आणि माझ्या आईने मला एक हिऱ्याचं रोलेक्स वॉच गिफ्ट केलं, तर माझ्या वडिलांनी मला एक हिऱ्याची अंगठी भेट दिली होती, पण मी या वस्तू सर्रासपणे घालू शकत नाही कारण, आमच्यावर कुणीही हल्ला करु शकतं, पण जे काही घडले ते खूप चुकीचं होतं. ' सैफच्या तब्येतीबद्दल बोलताना, उर्वशीने विषय बदलला आणि तिच्या नवीन चित्रपटाबद्दल आणि इतर विषयांबद्दल बोलली, ज्यामुळे तिला ट्रोल केलं जात होतं.

महत्त्वाच्या इतर बातम्या :