Tripti Dimri And Karnesh Sharma: अनुष्का शर्माचा भाऊ कर्णेश शर्मा आणि अभिनेत्री तृप्ती डिमरी यांचा ब्रेकअप? इंस्टाग्रामवर एकमेकांना केलं अनफॉलो
Tripti Dimri And Karnesh Sharma: तृप्तीने कर्णेशच्या प्रोडक्शन हाऊसच्या 'बुलबुल' आणि 'काला' या दोन चित्रपटांमध्ये काम केले आहे.
Tripti Dimri And Karnesh Sharma: 'बुलबुल' फेम अभिनेत्री तृप्ती डिमरी (Tripti Dimri) ही सध्या तिच्या वैयक्तिक आयुष्यामुळे चर्चेत आहे. तृप्ती ही अभिनेत्री अनुष्का शर्माचा (Anushka Sharma) भाऊ कर्णेश शर्मासोबत (Karnesh Sharma) रिलेशनशिपमध्ये आहे, अशी चर्चा गेल्या काही दिवसांपासून सोशल मीडियावर सुरु होती. तृप्तीने कर्णेशच्या प्रोडक्शन हाऊसच्या 'बुलबुल' आणि 'काला' या दोन चित्रपटांमध्ये काम केले आहे. आता कर्णेश आणि तृप्ती यांचे ब्रेक-अप झालं आहे, असं म्हटलं जात आहे.
काही महिन्यांपूर्वी तृप्तीने तिच्या इंस्टाग्राम स्टोरीवर कर्णेशसोबतचा एक फोटो शेअर केला होता, या फोटोमध्ये तृप्ती आणि कर्णेश यांचा रोमँटिक अंदाज दिसला. हा फोटो सोशल मीडियावर व्हायरल झाल्यानंतर या दोघांच्या नात्याची चर्चा सुरु झाली. याशिवाय तृप्ती कर्णेशसोबतचे आणखी फोटो सोशल मीडियावर शेअर केले होते.
कर्णेश आणि तृप्ती या दोघांचे सोशल मीडिया अकाऊंट पाहिले तर तुम्हाला कळेल की, दोघांनीही एकमेकांना इन्स्टाग्रामवर अनफॉलो केले आहे. यासोबतच तृप्तीने कर्णेशसोबतचे तिचे फोटोही डिलीट केले आहेत. कर्णेशने त्याच्या सोशल मीडिया हँडलवरून तृप्तीचे बुलबुल चित्रपटाचे पोस्टर हटवले आहे. त्यामुळे कर्णेश आणि तृप्ती यांचा ब्रेकअप झाला आहे, अशी चर्चा सध्या सोशल मीडियावर होत आहे,पण कर्णेश आणि तृप्तीनं याबाबत कोणतीही माहिती अजून चाहत्यांना दिलेली नाही.
अनुष्का आणि कर्णेश यांनी मिळून क्लीन स्लेट फिल्म्स नावाचे प्रोडक्शन हाऊस सुरू केले. सध्या कर्णेश हा या प्रोडक्शन हाऊचं काम करतो. कला आणि बुलबुल या क्लीन स्लेट फिल्म्स या प्रोडक्शन हाऊसच्या चित्रपटांमध्ये तृप्तीनं काम केलं आहे.
2017 मध्ये प्रदर्शित झालेल्या पोस्टर बॉइज या चित्रपटामधून तृप्तीनं बॉलिवूडमध्ये पदार्पण केलं. 'बुलबुल' या चित्रपटामुळे तृप्तीला विशेष लोकप्रियता मिळाली. तृप्ती ही गेल्या काही दिवसांपासून तिच्या कला या चित्रपटामुळे चर्चेत आहे. हा चित्रपट नेटफ्लिक्स या ओटीटी प्लॅटफॉर्मवर प्रदर्शित झाला. तृप्तीच्या आगामी चित्रपटांची प्रेक्षक उत्सुकतेने वाट बघत आहेत.
View this post on Instagram
वाचा इतर महत्वाच्या बातम्या:
महत्त्वाच्या बातम्या
