Tiger 3: अभिनेता सलमान खान (Salman Khan) आणि अभिनेत्री कतरिना कैफ (Katrina Kaif) यांचा मोस्ट अवेटेड 'टायगर 3' (Tiger 3) हा चित्रपट आज (12 नोव्हेंबर) चित्रपटगृहांमध्ये प्रदर्शित झाला आहे. या चित्रपटाचं अनेक जण कौतुक करत आहेत. या चित्रपटामधील अॅक्शन सीन्सचे देखील अनेकांनी कौतुक करत आहेत. अशातच आता 'टायगर 3' या चित्रपटाला पायरसीचा फटका बसला आहे. हा चित्रपट ऑनलाईन लीक झाला.
'टायगर 3' चित्रपटाला पायरसीचा फटका
सकाळी 6 वाजता थिएटरमध्ये टायगर-3 या चित्रपटाचा पहिला शो सुरू झाला. या चित्रपटाला प्रेक्षकांचा चांगला प्रतिसाद मिळत आहे. पण दरम्यान हा चित्रपट ऑनलाईन लीक झाला आहे. इंडिया डॉट कॉमटच्या वृत्तानुसार, रिलीज झाल्यानंतर काही तासांतच हा चित्रपट पायरसीचा बळी ठरला आहे.
अनेक साइट्सवर चित्रपट उपलब्ध
टायगर 3 हा चित्रपट अनेक साइट्सवरुन फ्री डाउनलोड केला जात आहे. Movierulz, Filmyzilla, Kuttymovies, Tamilrockers, Filmywap, Pagalworld, Filmymeet, 7starhd, Vegamovies आणि Moviesflix सारख्या साइटवर हा चित्रपट उपलब्ध आहे. टायगर 3 हा ऑनलाईन लीक झाल्यानंतर आता याचा परिणाम या चित्रपटाच्या कमाईवर होऊ शकतो, असा अंदाज लावला जात आहे.
सलमाननं चाहत्यांना केली होती विनंती
सलमान खाननं टायगर 3 हा चित्रपट रिलीज होण्याआधी चाहत्यांना चित्रपटाचे स्पॉयलर्स न देण्याची विनंती केली होती. "स्पॉयलर चित्रपट पाहण्याचा अनुभव खराब करू शकतात. आम्हाला आशा आहे की, टायगर-3 ही आमच्याकडून तुमच्यासाठी दिवाळीची परिपूर्ण भेट ठरेल." अशी पोस्ट सोशल मीडियावर शेअर करुन सलमाननं चाहत्यांना विनंती केली.
टायगर 3 चित्रपटाचे दिग्दर्शन मनीष शर्मा यांनी केले आहे. हा YRF च्या स्पाय युनिव्हर्सचा एक भाग आहे. हा चित्रपट पहिल्याच दिवशी जवळपास 40 कोटींची कमाई करेल, असं म्हटलं जात आहे. सलमान खान आणि कतरिना कैफ यांच्या अॅक्शन सीन्सशिवाय या चित्रपटात शाहरुख खान आणि हृतिक रोशनचा कॅमिओ देखील आहे.
इतर महत्वाच्या बातम्या: