Tiger 3: अभिनेता सलमान खानचा टायगर-3 (Tiger 3) हा चित्रपट रिलीज झाला आहे. या चित्रपटातील सलमान खानच्या (Salman Khan) एन्ट्री सीनला प्रेक्षकांचा जबरदस्त प्रतिसाद मिळत आहे. नुकताच थिएटमधील सोशल मीडियावर एक व्हिडीओ व्हायरल झाला आहे. या व्हिडीओमध्ये सलमानची टायगर-3 मधील एन्ट्री पाहिल्यानंतर प्रेक्षक टाळ्या आणि शिट्ट्या वाजवताना दिसत आहे. पण सध्या सलमानच्या एन्ट्रीसोबत टायगर-3 या चित्रपटातील शाहरुख खानच्या (Shah Rukh Khan) कॅमिओची देखील चर्चा होत आहे.
पठाण आणि टायगर आले एकत्र
टायगर-3 या चित्रपटातील शाहरुखच्या कॅमिओचा व्हिडीओ सोशल मीडियावर व्हायरल झाला आहे. या व्हिडीओमध्ये शाहरुख हा सलमान खानला दुश्मनांपासून वाचवत असल्याचं दिसत आहे. सलमान खान हा दुश्मनांसोबत फाईटिंग करताना शाहरुख हा एक बॉम्ब तिथे टाकतो. त्यावेळी झुमे जो पठाण हे गाणं ऐकू येत आहे. त्यानंतर शाहरुख खानची एन्ट्री होते. टायगर-3 या चित्रपटात शाहरुखनं चॉपरमधून एन्ट्री केली आहे. टायगर-3 या चित्रपटातील शाहरुखच्या कॅमिओची चर्चा सध्या सोशल मीडियावर होत आहे.
सलमान खानची जबरदस्त एन्ट्री:
टायगर-3 या चित्रपटात सलमानची एन्ट्री होताच थिएटरमध्ये प्रेक्षक टाळ्या आणि शिट्ट्या वाजवत आहेत. नुकताच सोशल मीडियावर एक व्हिडीओ व्हायरल झाला आहे. ज्यामध्ये टायगर-3 चित्रपटात सलमानची एन्ट्री होताच प्रेक्षक टाळ्या आणि शिट्ट्या वाजवताना दिसत आहेत.
'एक था टायगर', 'टायगर जिंदा है' या चित्रपटांना प्रेक्षकांची विशेष पसंती मिळाली. आता टायगर 3 हा चित्रपट प्रेक्षकांच्या भेटीस आला आहे. या चित्रपटात सलमानसोबतच कतरिना कैफ आणि इमरान हाश्मी यांनी देखील प्रमुख भूमिका साकारल्या आहेत. या चित्रपटाचं दिग्दर्शन मनीष शर्मा यांनी केले आहे. हा चित्रपट बॉक्स ऑफिसवर पहिल्या दिवशी किती कमाई करणार? याकडे अनेकांचे लक्ष लागले आहे.
इतर महत्वाच्या बातम्या: