Thank God poster : थँक गॉडमधील अजयचा लूक रिलीज; शेअर केली खास पोस्ट

Thank God poster : लवकरच अजयचा थँक गॉड (Thank God poster) हा चित्रपट प्रेक्षकांच्या भेटीस येणार आहे. या चित्रपटातील अजयचा लूक रिलीज करण्यात आला आहे.

Ajay Devgn

Thank God poster : बॉलिवूडमधील प्रसिद्ध अभिनेता अजय देवगणच्या (Ajay Devgn) आगामी चित्रपटाची प्रेक्षक उत्सुकतेने वाट बघत असतात. अजय त्याच्या अभिनयानं प्रेक्षकांचं मनोरंजन करतो. आता लवकरच त्याचा थँक गॉड (Thank God poster) हा चित्रपट प्रेक्षकांच्या भेटीस येणार आहे. या चित्रपटातील अजयचा लूक रिलीज करण्यात आला आहे. अजयनं सोशल मीडियावर थँक गॉड चित्रपटातील त्याच्या लूकचा फोटो शेअर करुन या चित्रपटातील त्याच्या भूमिकेबाबत माहिती दिली आहे. 

थँक गॉड चित्रपटामध्ये अजय हा चित्रगुप्त ही भूमिका साकारणार आहे. या चित्रपटाचा पोस्टर शेअर करुन अजयनं त्याला कॅप्शन दिलं, 'या दिवाळीला, चित्रगुप्त तुमच्यासोबत आणि तुमच्या कुटुंबासोबत आयुष्याचा खेळ खेळायला येत आहे. थँक गॉडचा ट्रेलर उद्या प्रदर्शित होईल. 25 ऑक्टोबरला हा चित्रपट प्रेक्षकांच्या भेटीस येणार आहे.' अजयच्या या पोस्टनं अनेकांचे लक्ष वेधले. अजयच्या चाहत्यांनी त्याच्या या पोस्टवर लाइक्स आणि कमेंट्सचा वर्षाव केला आहे. अजयनं ट्विटरवर देखील थँक गॉड चित्रपटाचा पोस्टर शेअर केला आहे. एका चाहत्याने अजयच्या पोस्टला कमेंट केली, "गॉगल घातलेला चित्रगुप्त आहे." दुसर्‍या युझरनं लिहिलं "जबरदस्त लूक" तर एका नेटकऱ्यानं कमेंट केली, 'अक्षयच्या राम सेतू चित्रपटासोबत या चित्रपटाची बॉक्स ऑफिसवर टक्कर होणार?'

पाहा पोस्टर

This Diwali, Chitragupt is coming to play the game of life with you and your family! #ThankGod trailer out tomorrow.
In cinemas on October 25.@SidMalhotra @Rakulpreet pic.twitter.com/78fjGfsUkq

— Ajay Devgn (@ajaydevgn) September 8, 2022

थँक गॉड या चित्रपटाची निर्मिती भूषण कुमार, कृष्ण कुमार, अशोक ठाकरे, सुनीर खेतरपाल, दीपक मुकुट, आनंद पंडित आणि मार्कंड अधिकारी यांनी केली असून यश शाह सहनिर्माते आहेत. इंद्र कुमार यांनी या चित्रपटाचं दिग्दर्शन केलं आहे. सिद्धार्थ मल्होत्रा आणि रकुल प्रीत सिंह हे कलाकार देखील या चित्रपटात महत्त्वाची भूमिका साकारणार आहेत. प्रेक्षक या चित्रपटाची उत्सुकतेने वाट बघत आहेत. सिद्धार्थन देखील या चित्रपटाचा पोस्टर शेअर केला आहे. 

पाहा सिद्धार्थची पोस्ट:

 

 

 

 

 

View this post on Instagram

 

 

 

 

 

 

 

 

 

 

 

A post shared by Sidharth Malhotra (@sidmalhotra)

अजयचे आगामी चित्रपट

थँक गॉडसोबत अजयचे चाणक्य, दृश्यम 2,  मैदान, रेड 2 आणि सिंघम 3 हे आगामी चित्रपट देखील लवकरच प्रेक्षकांच्या भेटीस येणार आहेत.

वाचा इतर महत्त्वाच्या बातम्या: