मुंबई : सलमान खानचं नवं गाणं 'तेरे बिना'चा टिझर लॉन्च झाला आहे. हे गाणं 12 मे रोजी रिलीज करण्यात येणार आहे. या गाण्यामध्ये सलमान खानसोबत जॅकलीन फर्नांडिस दिसून येणार आहे. दरम्यान, जॅकलीन, वलूशा डीसूजा आणि आयुष शर्मा लॉकडाऊनमुळे सलमान खानच्या पनवेलमध्ये असलेल्या फार्महाउसमध्ये थांबले आहेत.
नवं गाणं 'तेरे बिना' संदर्भात सलमान खानने वलुशाला लॉकडाऊन इंटव्ह्यू दिला. हा इंटरव्ह्यू जवळपास साडेचार मिनिटांचा आहे. हा व्हिडीओ सलमान खानने आपल्या सोशल मीडिया अकाउंटवर शेअर केला आहे. सलमान खान या इंटरव्ह्यूमध्ये बोलताना म्हणाला की, 'एक गाणं कधीपासून माझ्या मनात होतं, त्यानंतर मी विचार केला की, हे गाणं या वेळात लॉन्च करूनच टाकू. चांगली कंपनी आहेच.' याव्यतिरिक्त सलमान पुढे बोलताना म्हणाला की, हे गाणं कोणत्याही चित्रपटासाठी योग्य असेल, त्यामुळे त्याने स्वतः व्यक्तिगत पातळीवर ते लॉन्च करण्याचा प्लान केला.
पाहा सलमान खानच्या गाण्याचा टिझर :
गाण्याबाबत बोलताना सलमान खान इंटरव्ह्यूमध्ये म्हणाला की, 'आम्हाल शुटिंग करण्यासाठी जवळपास 4 दिवस लागले, तरिही आम्ही आतापर्यंत या प्रॉपर्टीचा जास्त वापर केला नाही. गाण्यासाठी मला हे प्रेझेंट करण्याची गरज नाही.' हे गाणं स्वतः सलमान खानने गायलं आहे. आता गाणं कधी रिलीज होणार हे पाहणं औत्सुक्याचं ठरणार आहे.
जॅकलीनने तयार केली शॉर्ट फिल्म
जॅकलीन फर्नांजिस लॉकडाऊनमुळे सलमान खानच्या फार्महाऊसवर थांबली आहे. एक दिवसा अगोदर तिने आपल्या सोशल मीडियावर एक व्हिडीओ शेअर केला होता. ज्यामध्ये तिने एका शॉर्ट फिल्मचं नाव दिलं होतं. यामध्ये ती आपल्या रुटिन लाईफला एन्जॉय करताना दिसून आली आहे. हा व्हिडीओ तिने सलमान खानच्या फार्महाऊसवरच शूट केला आहे.
दरम्यान, लॉकडाऊनमुळे बॉलिवूडचा दबंग सलमान खान जवळपास आपल्या संपूर्ण कुटुंबासोबत पनवेल येथील त्याच्या फार्महाउसमध्ये अडकला आहे. सलमान खानच्या पनवेलमधील त्याच फार्म हाऊसमधून काही दिवसांपूर्वी एक व्हिडीओ समोर आला होता. या व्हिडीओमध्ये तुम्ही पाहू शकता की, सलमान आपल्या कुटुंबियांसोबत एकत्र येऊन एका स्टोअर रूममधून राशन आणि खाण्या-पिण्याचं काही अत्यावश्यक सामान जवळच उभ्या असणाऱ्या एका बैलगाडीमध्ये ठेवण्यासाठी मदत करत आहे. सलमान खान पुन्हा एकदा गरजूंच्या मदतीसाठी धावून आला असून सलमान ज्या फार्महाउसमध्ये राहत आहे. तेथील आसपासच्या गावांमध्ये राहणाऱ्या गरजू लोकांना राशन देऊन सलमानने मदत केली होती.
संबंधित बातम्या :
'तरडेचा वावर अन् 'राधे'ला पावर!', सलमानसोबत स्क्रिनवर झळकणार प्रवीण तरडे
coronavirus | कोरोनाच्या जनजागृतीसाठी सलमानचे 'प्यार करोना' गाणे रिलीज