Telly Masala : लवकरच होणार सुपरस्टार अभिनेता प्रभासच्या लग्नाची घोषणा ते रतन टाटांच्या निधनाची बातमी समजताच दिलजीत दोसांझने शो थांबवला; जाणून घ्या मनोरंजनसृष्टीसंबंधित बातम्या...

Telly Masala : मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Telly Masala : मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Prabhas Wedding : लवकरच होणार सुपरस्टार अभिनेता प्रभासच्या लग्नाची घोषणा, जवळच्या व्यक्तीने दिली हिंट

Prabhas Wedding Announncement : सुपरस्टार अभिनेता प्रभासचा देशासह विदेशातही मोठा चाहतावर्ग आहे. चाहते त्याच्या लग्नाची आतुरतेने वाट पाहत आहेत. अशातच आता चाहत्यांसाठी मोठी आनंदाची बातमी आहे. प्रभास लवकरच बोहल्यावर चढणार असल्याची माहिती समोर येत आहे. मीडिया रिपोर्टनुसार, प्रभास लवकरच लग्न करणार असल्याची माहिती त्याच्या जवळच्या व्यक्तीने दिली आहे. प्रभास नेहमीच त्याच्या प्रोफेशनल लाइफसह पर्सनल लाइफमुळेही चर्चेत असतो. आता त्याच्या लग्नाच्या बातम्या समोर येत असल्याने फॅन्स खूपच खूश झाले आहेत. दरम्यान, प्रभासची होणारी पत्नी कोण असणार यासंदर्भातही चर्चांना उधाण आलं आहे.

TP Madhavan : प्रेक्षकांना खळखळून हसवणारा प्रसिद्ध अभिनेता काळाच्या पडद्याआड, 600 हून अधिक चित्रपटांमध्ये काम

TP Madhavan Passes Away : मल्याळम सिनेसृष्टीतील प्रसिद्ध अभिनेता टीपी माधवन यांचं निधन झाल्याची मोठी बातमी समोर आली आहे. अभिनेता टीपी माधवन यांचं गंभीर आजारानं निधन झालं आहे. त्यांनी वयाच्या 88 व्या वर्षी अखेरचा श्वास घेतला. रुग्णालयात उपचार सुरु असताना त्यांची प्राणज्योत मालवली. बुधवारी, 9 ऑक्टोबर रोजी कोल्लममधील एका खासगी रुग्णालयात त्यांचं निधन झालं. 

VIDEO : रतन टाटांच्या निधनाची बातमी समजताच दिलजीत दोसांझने शो थांबवला, जर्मनीमधील लाईव्ह कॉन्सर्टचा VIDEO व्हायरल

Diljit Dosanjh Tribute to Ratan Tata : पंजाबी अभिनेता आणि गायक दिलजीत दोसांझ याने लाईव्ह शोमध्ये रतन टाटा यांना श्रद्धांजली वाहिली आहे. प्रसिद्ध भारतीय उद्योजन रतन टाटा यांचं बुधवारी निधन झालं. ते गेल्या काही काळापासून आजारी होते. त्यांनी मुंबईतील ब्रीच कँडी रुग्णालयात 86 व्या वर्षी अखेरचा श्वास घेतला. दिलजीत दोसांझचा बुधवारी कॉन्सर्ट सुरु होता. लाइव्ह शोमध्ये दिलजीतला रतन टाटा यांच्या निधनाची बातमी समजली. यावेळी त्याने लाइव्ह कॉन्सर्ट शो थांबवून रतन टाटा यांना मानवंदना दिली. 

Ratan Tata Death : असा माणूस पुन्हा होणे नाही, तुमचा वारसा पुढच्या पिढीसाठी प्रेरणादायी; बॉलिवूड सेलिब्रिटींकडून रतन टाटा यांना मानवंदना

Ratan Tata : भारतीय उद्योग क्षेत्रातील प्रसिद्ध उद्योजक रतन टाटा यांचं निधन झालं आहे. भारतीय उद्योग विश्वातील आंतरराष्ट्रीय पातळीवरील चेहरा रतन टाटा भारतासाठी एक अनमोल रत्न होते. उद्योजक रतना टाटा त्यांच्या परोपकारांसाठी ओळखले जायचे. त्यांच्या जाण्याने मोठी पोकळी निर्माण झाली आहे. रतन टाटा कोट्यवधी गरजूंचा आधार होते. रतन टाटा यांनी 86 व्या वर्षी अखेरचा श्वास घेतला. बुधवारी मुंबईतील ब्रीच कँडी रुग्णालयात त्यांचं निधन झालं. त्यांच्या निधनावर दिग्गज व्यक्तिमत्व, राजकारणी यांच्यासह सेलिब्रिटींनीही दु:ख व्यक्त करत त्यांना श्रद्धांजली वाहिली आहे.

Bigg Boss 18 : चोर तो चोर, वर शिरजोर; सदावर्तेंमुळे शोमधील मोठा नियम मोडला अन् वर बिग बॉसलाच दिली धमकी

Bigg Boss Season 18 : बिग बॉस 18 ला धूमधडाक्यात सुरुवात झाली असून यंदाचा सीझन पहिल्याच दिवसापासून चर्चेत आहे. बिग बॉसच्या यंदाच्या सीझनमध्ये 18 सेलिब्रिटी सहभागी झाले आहेत. पहिल्या दिवसापासूनच शोला चांगला प्रतिसाद मिळत असून टीआरपीही चांगला आहे. बिग बॉसच्या अठराव्या पर्वातील पहिला नॉमिनेशन टास्क नुकताच पार पडला आहे. यामध्ये बिग बॉसच्या घरातील सदस्यांनी एकमेकांना धारेवर धरत त्यांना घराबाहेर जाण्यासाठी नॉमिनेट केलं.