Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...
Lok Sabha Elections Celebrities voting : तुम्ही मतदान केलं का? मराठी कलाकारांनी बजावला मतदानाचा अधिकार
चौथ्या टप्प्यात राज्यात लोकसभेच्या 11 जागांवर मतदान होत आहे. यामध्ये नंदूरबार, जळगाव, रावेर, जालना, मावळ, पुणे, शिरुर, अहमदनगर, शिर्डी, बीड या जागांसाठी मतदान सुरू आहे.
सविस्तर बातमी वाचण्यासाठी क्लिक करा
Shah Rukh Khan : शाहरुखची फेव्हरेट अभिनेत्री कोण? किंग खानने स्वत:चं केला खुलासा
Shah Rukh Khan : बॉलिवूडचा बादशाह शाहरुख खान (Shah Rukh Khan) नेहमीच कोणत्या ना कोणत्या कारणाने चर्चेत असतो. शाहरुखचा जगभरात मोठा चाहतावर्ग आहे. किंग खानला नापसंत करणाऱ्या मंडळींची संख्या खूपच कमी आहे. आजही लाखोंच्या हृदयावर शाहरुख खान राज्य करतो. शाहरुख खान सर्वांचाच लाडका अभिनेता आहे. पण शाहरुखचा फेव्हरेट स्टार कोण? फेव्हरेट अभिनेत्री कोण? असे प्रश्न तुम्हाला कधी पडलेत का? आपल्या फिल्मी करिअरमध्ये शाहरुख खानने काजोल, रानी मुखर्जी, प्रीती जिंटा, दीपिका पादुकोण, अनुष्का शर्मा सारख्या अभिनेत्रींसोबत खूप काम केलं आहे. काजोलसोबतची त्याची जोडी बॉलिवूडच्या नंबर वन जोडीमध्ये होती. बॉलिवूडच्या अभिनेत्रींमध्ये आपल्याला कोणती अभिनेत्री आवडते याचा खुलासा किंग खानने (King Khan) एका मुलाखतीत केला आहे.
सविस्तर बातमी वाचण्यासाठी क्लिक करा
Taarak Mehta Ka Ooltah Chashmah : समुद्रकिनारी बॉयफ्रेंडसोबत रोमाँटिक झाली 'तारक मेहता...'ची सोनू; गुडघ्यावर बसून केलं प्रपोज, लवकरच अडकणार लग्नबंधनात
Taarak Mehta Ka Ooltah Chashmah : 'तारक मेहता का उल्टा चष्मा' (Taarak Mehta Ka Ooltah Chashmah) ही छोट्या पडद्यावरील लोकप्रिय मालिका सध्या विविध कारणांनी चर्चेत आहे. 'तारक मेहता का उल्टा चष्मा' या मालिकेत सोनूची भूमिका साकारणारी झील मेहता (Jheel Mehta) सध्या चर्चेत आहे. झील मेहता लवकरच लग्नबंधनात अडकणार आहे. अभिनेत्री अनेक दिवसांपासून इंडस्ट्रीपासून दूर आहे. झीलला आपल्या स्वप्नातला राजकुमार मिळाला आहे. काही महिन्यांपूर्वी झील मेहताला बॉयफ्रेंड आदित्य दुबेने (Aditya Dube) खास सरप्राइज देत प्रपोज केलं होतं. पण आता झीलने त्याला प्रपोज केलं आहे. या ड्रीमी प्रपोजलचे फोटो सोशल मीडियावर व्हायरल होत आहेत.
सविस्तर बातमी वाचण्यासाठी क्लिक करा
Monday Motivation : सनी लिओनीच्या झगमगत्या आयुष्यामागचं अंगावर शहारे आणणारं सत्य; 'आयटम गर्ल'च्या आयुष्याचे 'हे' आहेत फंडे
Sunny Leone : सनी लिओनी (Sunny Leone) बॉलिवूडची लोकप्रिय अभिनेत्री आहे. सनी लिओनीने 2011 मध्ये सलमान खानच्या (Salman Khan) 'बिग बॉस 5'मध्ये (Bigg Boss) वाइल्ड कार्ड एन्ट्री घेतली होती. या लोकप्रिय, वादग्रस्त कार्यक्रमाच्या माध्यमातून सनी लिओनी घराघरांत पोहोचली. पुढे 'जिस्म 2' या चित्रपटाच्या माध्यमातून तिने बॉलिवूडमध्ये पदार्पण केलं. बॉलिवूड गाजवण्याआधीही सनी लिओनी चर्चेत आली होती. अमेरिकेतील एका वेगळ्या चित्रपटसृष्टीतील ती स्टार होती. सनीची स्वत:ची निर्मितीसंस्था होती. सनीला हिंदी मनोरंजनसृष्टीत एका वेगळ्या नजरेनं पाहिलं जातं. त्यामुळे बॉलिवूडमध्ये आपली ओळख निर्माण करणं सनीसाठी फार महत्त्वाचं होतं.
सविस्तर बातमी वाचण्यासाठी क्लिक करा
Abdu Rozik : अब्दु रोझिकचा साखरपुडा हा पब्लिसिटी स्टंट? स्वत: सांगितले, एका कमी उंचीच्या...
Abdu Rozik : बिग बॉस 16 मध्ये झळकलेला ताजकिस्तानचा प्रसिद्ध गायक अब्दु रोझिकने (Abdu Rozik) आपल्या लग्नाची घोषणा केली होती. त्यानंतर काही दिवसांपूर्वी साखरपुडा केला. मात्र, अब्दुने केलेला साखरपुडा हा पब्लिसिटी स्टंट केला असल्याचे काहींनी म्हटले. मात्र, त्यावर अब्दुने नाराजी व्यक्त केली. एका कमी उंचीच्या व्यक्तीला आपलं प्रेम मिळाले आहे, हे काहींना बघवत नाही. त्यामुळे माझ्यावर आरोप होत असल्याचे त्याने म्हटले.