Telly Masala : सिद्धार्थ जाधवचा मोठा निर्णय ते 'IPL 2024'मध्ये ओरीला कॉमेंट्री करताना पाहून नेटकरी संतापले; जाणून घ्या मनोरंजन विश्वासंबंधित बातम्या...

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Siddharth Jadhav : "जुगाराची जाहिरात मी कधीच करणार नाही"; सिद्धार्थ जाधवने स्पष्टच सांगितलं, मराठी, हिंदीनंतर 'आपला सिद्धू' झळकणार 'या' इंग्रजी चित्रपटात

Siddharth Jadhav : मराठी आणि हिंदी सिनेंमात आपल्या दमदार अभिनयाची छाप पाडल्यानंतर सिद्धार्थ जाधव (Siddharth Jadhav) आता इंग्लिश चित्रपटाच्या माध्यमातून बॉक्स ऑफिस गाजवायला सज्ज आहे. परितोष पेंटर (Paritosh Painter) यांच्या 'द डिफेक्टिव्ह डिटेक्टिव्हज' (The Defective Detectives) या सिनेमाच्या माध्यमातून 'आपला सिद्धू' आता इंग्लिश सिनेमात झळकणार आहे. 5 एप्रिल 2024 रोजी हा सिनेमा देशभरात प्रदर्शित होणार आहे.

कंगनाची लगीनघाई! लग्नाचा ड्रेसही ठरला पण नवरदेव कोण? चाहत्यांना उत्सुकता, चर्चांना उधाण

Kangana Ranaut Marriage :  सध्या मराठी हिंदी कलाविश्वात लगीनसराई सुरु आहे. ऑनस्क्रिन लग्नाचा अभिनय करणारे कलाकार खऱ्या आयुष्यात त्यांचा आयुष्याचा जोडीदार निवडतायत. नुकतच आधी रकुल प्रती सिंग (Rakul Prit Singh) आणि जॅकी भगनानी यांनी लग्नगाठ बांधली होती. पण आता पुन्हा एकदा एक अभिनेत्री लग्नाच्या बंधनात अडकणार असल्याची माहिती समोर आली आहे. कंगना रनौत ( Kangana Ranaut)  हिने तिच्या लग्नाची तयारी सुरु केल्याचं समोर आलं आहे.

Anurag Kashyap : 10 मिनिटांसाठी लाखभर तर तासाभराचे किती? लोकांना भेटण्यासाठी अनुराग कश्यप घेणार अॅडव्हान्स पेमेंट, नेटकऱ्यांनी म्हटलं 'तुमच्या दाराची बेल वाजवणारच.....'

Anurag Kashyap : बॉलिवूडचा लोकप्रिय सिने-दिग्दर्शक, अभिनेता आणि निर्माता अनुराग कश्यप (Anurag Kashyap) हा कोणत्या ना कोणत्यातरी कारणामुळे कायमच चर्चेत असतो. त्याचे सिनेमे जितके प्रेक्षकांच्या मनावर छाप पाडतात तितकच त्याच्या सोशल मीडियाच्या पोस्टमुळे अनुराग बऱ्याचदा समोर येतो. सध्या त्याने केलेल्या अशाच एका सोसळ मीडियाच्या पोस्टमुळे अनुराग चर्चेचा विषय ठरला आहे. पण अनुरागसोबत जर तुम्हाला चर्चा करायची असेल तर त्यासाठी मात्र तुम्हाला पैसे मोजावे लागतील.  

'IPL 2024'मध्ये ओरीला कॉमेंट्री करताना पाहून नेटकरी संतापले; म्हणाले,"भारतीय क्रिकेटच्या इतिहासातील काळा दिवस"

IPL 2024 : 'आयपीएल 2024'चा (IPL 2024) हंगाम सुरू झाला आहे. चेन्नईतील 'आयपीएल 2024'च्या ओपनिंग सेरेमनीला (IPL 2024 Opening Ceremony) अनेक बॉलिवूड सेलिब्रिटींनी हजेरी लावली. बॉलिवूडचा खिलाडी अर्थात अक्षय कुमार (Akshay Kumar), टायगर श्रॉफ (Tiger Shroff), सोनू निगम (Sonu Nigam), एआर रहमान (AR Rahman) या सेलिब्रिटींनी आपल्या कलाकृतींच्या माध्यमातून भारतीयांचं चांगलच मनोरंजन केलं. चेन्नईच्या चिदंबरम स्टेडियमवर चेन्नई सुपर किंग्स आणि रॉयल चॅलेंजर्स बंगळूर (CSK Vs RCB) या सामन्याआधी बॉलिवूडच्या सर्वच पार्ट्यांमध्ये झळकणाऱ्या ओरीने (Orry) सर्वांचं लक्ष वेधून घेतलं. 'IPL 2024'मध्ये ओरीला कॉमेंट्री करताना पाहून नेटकऱ्यांनी संताप व्यक्त केला.

Mrunal Dusanis : मृणाल दुसानिस छोट्या पडद्यावरुन पुन्हा प्रेक्षकांच्या भेटीला येणार? भारतात परतल्यानंतर अभिनेत्रीने व्यक्त केली इच्छा, म्हणाली आता मला....

Mrunal Dusanis : मृणाल दुसानिस (Mrunal Dusanis) छोट्या पडद्यावरील लोकप्रिय अभिनेत्री आहे. सुपरहिट मालिका दिल्यानंतर मनोरंजन विश्वापासून दूर असलेली मृणाल आता अमेरिकेहून भारतात परतली आहे. भारतात आल्यानंतर मृणालने सगळ्यात आधी आईने बनवलेल्या जेवणावर ताव मारला. मृणाल अमेरिकेत गेल्यामुळे चाहत्यांना तिची खूप आठवण येत होती. अखेर नाशकातील गोदाकाठ परिसरातील फोटो शेअर करत तिने चाहत्यांना सुखद धक्का दिला आहे. अभिनेत्रीच्या आगामी मालिका (Serial), सिनेमे (Movies)आणि नाटकांची (Drama) चाहते आतुरतेने वाट पाहत आहेत.