Telly Masala : 'सारं काही तिच्यासाठी' मालिकेबाबत झी मराठीचा मोठा निर्णय ते 'यशराज'च्या चित्रपटातून नव्या चेहऱ्याला संधी; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Tejaswini Pandit : जनता सगळं जाणते, ती मूर्ख नाही; तेजस्विनी पंडितचे सूचक ट्वीट; कोणावर साधला निशाणा?

अभिनेत्री तेजस्विनी पंडित (Tejaswini Pandit) सोशल मीडियावर सामाजिक आणि राजकीय विषयांवर परखड मत मांडते. मागील काही काळापासून तिने सामाजिक-राजकीय मुद्यांवर भूमिकांवर घेतलेल्या मुद्यांवर सोशल मीडियावर जोरदार चर्चा झडली. आता तेजस्विनीचे ट्वीट पुन्हा चर्चेत आले आहे. जनता सगळं जाणते, ती मूर्ख नाही असे  ट्वीट  तेजस्विनीने केले आहे. तिच्या या ट्वीटवरून चर्चा सुरू झाल्या आहेत. राष्ट्रवादी काँग्रेसबाबत (NCP) निवडणूक आयोगाने (Election Commission) दिलेल्या निकालाच्या पार्श्वभूमीवर हे ट्वीट असल्याचे म्हटले जात आहे. 

 

Sara Kahi Tichyasathi : 'सारं काही तिच्यासाठी' मालिकेबाबत झी मराठीचा मोठा निर्णय; दिली मोठी अपडेट

Sara Kahi Tichyasathi : छोट्या पडद्यावर (Small Screen) सध्या टीआरपीसाठी चांगलीच स्पर्धा असल्याचे दिसून येत आहे. त्यामुळेच टीव्ही चॅनेल्स आता आक्रमक रणनीती आखत असल्याचे दिसत आहे. टीआरपीमध्ये (TRP) पहिले स्थान मिळवण्यासाठी झी मराठीकडून आता नव्या मालिका सुरू करण्यात येत असून सध्या सुरू असलेल्या मालिकांबाबत मोठा निर्णय घेण्यात आला आहे. सध्या लोकप्रिय असणाऱ्या 'सारं काही तिच्यासाठी' (Sara Kahi Tichyasathi) या मालिकेच्या वेळेत आता  नवी मालिका  सुरू होणार आहे. 

 

19-20 वर्षांची होती अन् त्या रुममध्ये एकटीच होते...; अंकिता लोखंडेने सांगितला कास्टिंग काऊचचा तो भयंकर प्रसंग

Ankita Lokhande :  सिनेसृष्टी आणि कास्टिंग काऊच या गोष्टी अनेकदा कानावर पडत असतात. काही अभिनेत्रींनी या बाबतीतले आपले भयंकर अनुभव प्रेक्षकांसोबत विविध माध्यमातून अनेकदा शेअर केले आहेत. अभिनेत्री अंकिता लोखंडेलाही (Anika Lokhande) दोन वेळेस कास्टिंग काऊच सारख्या प्रकाराला सामोरे जावे लागले होते. दाक्षिणात्य चित्रपटाच्या वेळी तिला हा अनुभव आला होता. 

 

The Kerala Story OTT Release : अखेर 'द केरला स्टोरी' ओटीटी प्लॅटफॉर्मवर होणार रिलीज; जाणून घ्या कुठं आणि कधी पाहता येणार?

The Kerala Story OTT  Release : सुदीप्तो सेन दिग्दर्शित 'द केरळ स्टोरी' (The Kerala Story) हा चित्रपट अखेर ओटीटी प्लॅटफॉर्मवर प्रदर्शित (The Kerala Story OTT Release) होणार आहे. काही काळापूर्वी कोणताही OTT प्लॅटफॉर्म हा चित्रपट प्रदर्शित करण्यास तयार नसल्याचे वृत्त होते. आता प्रेक्षकांची ही प्रतीक्षा अखेर संपणार असून आता हा चित्रपट याच महिन्यात डिजिटल प्लॅटफॉर्मवर प्रदर्शित होत आहे.

 

Yash Raj Films : यशराज फिल्मस् देणार नव्या चेहऱ्याला संधी; अनन्या पांडेसोबत आहे स्पेशल नातं

Ahaan Panday debut from  Yash Raj Films :   यशराज फिल्मस् आता आपल्या आगामी चित्रपटातून आणखी एका नव्या चेहऱ्याला संधी देणार आहेत. आशिकी-2 चा दिग्दर्शक मोहित सुरी (Mohit Suri) या चित्रपटाचे दिग्दर्शन करणार आहे. या वर्षाच्या अखेरीस हा चित्रपट प्रदर्शित होण्याची शक्यता आहे. दिग्दर्शक-निर्माते आदित्य चोप्रा (Aditya Chopra) यांनी या अभिनेत्याला ग्रुम केले असून अनन्या पांडेसोबत (Ananya Panday) त्याचे स्पेशल नातं आहे. अहान पांडे हा अभिनेता 'यशराज'च्या चित्रपटातून बॉलिवूडच्या रुपेरी पडद्यावर  पदार्पण करणार आहे. अहान हा अनन्याचा चुलत भाऊ आहे.