Criminal Justice Season 3 : माधव मिश्रा परत येतोय; 'क्रिमिनल जस्टिस'च्या तिसऱ्या सीझनचा टीझर रिलीज

Criminal Justice : पंकज त्रिपाठीच्या बहुचर्चित 'क्रिमिनल जस्टिस' चा तिसरा सीझन लवकरच प्रेक्षकांच्या भेटीला येणार आहे.

Criminal Justice

Criminal Justice Season 3 Teaser : ओटीटी विश्वात पंकज त्रिपाठीचे (Pankaj Tripathi) नाव महत्तवाचे मानले जाते. पंकजने अनेक लोकप्रिय वेबसीरिजमध्ये काम केलं आहे. त्याला प्रेक्षकांची चांगलीच पसंती मिळाली आहे. पंकजच्या एक वेबसीरिजचा सीझन संपल्यानंतर दुसरा सीझन येईपर्यंत प्रेक्षकांना प्रतीक्षा करावी लागते. आता पंकजच्या 'क्रिमिनल जस्टिस' (Criminal Justice) या वेबसीरिजचा तिसरा सीझन प्रेक्षकांच्या भेटीला येणार आहे. 

'क्रिमिनल जस्टिस' या वेबसीरिजचे आतापर्यंत दोन सीझन प्रेक्षकांच्या भेटीला आले आहेत. त्यामुळे प्रेक्षक गेल्या अनेक दिवसांपासून तिसऱ्या सीझनची प्रतीक्षा करत होते. आता 'क्रिमिनल जस्टिस' आणि पंकज त्रिपाठीच्या चाहत्यांसाठी आनंदाची बातमी म्हणजे 'क्रिमिनल जस्टिस'चा तिसरा सीझन लवकरच प्रेक्षकांच्या भेटीला येणार आहे. 

'क्रिमिनल जस्टिस'च्या तिसऱ्या सीझनचा टीझर रिलीज

पंकज त्रिपाठी पुन्हा एकदा माधव मिश्राचे पात्र साकारणार आहे. हॉटस्टारने 'क्रिमिनल जस्टिस'च्या तिसऱ्या सीझनचा टीझर शेअर केला आहे. या टीझरमुळे प्रेक्षकांना माधव मिश्राची झलक पाहायला मिळत आहे. टीझरमध्ये पंकज त्रिपाठी म्हणतो आहे, "माझं नाव माधव मिश्रा आहे आणि मी वकील आहे". टीझर रिलीज झाल्यामुळे प्रेक्षक आता वेबसीरिजची आतुरतेने वाट पाहत आहेत. 'क्रिमिनल जस्टिस'चा तिसरा सीझन प्रेक्षकांना 2022 च्या अखेरीस हॉटस्टारवर पाहायला मिळणार आहे. 

जानेवारीच्या पहिल्या आठवड्यापासून मुंबईत 'क्रिमिनल जस्टिस 3'च्या शूटिंगला सुरुवात झाली आहे. 'क्रिमिनल जस्टिस' या वेबसीरिजचा पहिला सीझन 2019 मध्ये प्रदर्शित झाला होता. या वेबसीरिजला प्रेक्षकांचा उत्तम प्रतिसाद मिळत असल्याने निर्मात्यांनी तिसऱ्या सीझनच्या शूटिंगला सुरुवात केली. त्यामुळे लवकरच ही वेबसीरिज प्रेक्षकांच्या भेटीला येणार आहे. 

टीझर पाहा : 

संबंधित बातम्या