Sushmita Sen-Lalit Modi Break Up : सुष्मिता अन् ललित मोदींच्या नात्यात बिनसलं? अवघ्या दोन महिन्यांत ब्रेकअपची चर्चा!

Sushmita Sen-Lalit Modi Break Up : आयपीएलचे माजी अध्यक्ष ललित मोदी (Lalit Modi) आणि बॉलिवूड अभिनेत्री सुष्मिता सेन (Sushmita Sen) पुन्हा एकदा चर्चेत आले आहेत.

Sushmita Sen-Lalit Modi

Sushmita Sen-Lalit Modi Break Up : आयपीएलचे माजी अध्यक्ष ललित मोदी (Lalit Modi) आणि बॉलिवूड अभिनेत्री सुष्मिता सेन (Sushmita Sen) पुन्हा एकदा चर्चेत आले आहेत. यावेळीही हे दोघे चर्चेत येण्याचे कारण म्हणजे ललित मोदींचे इन्स्टाग्राम अकाऊंट. नुकताच ललित मोदी यांनी आपल्या सोशल मीडियाचा डीपी बदलला आहे आणि बायोमधून अभिनेत्रीचे नाव देखील काढून टाकले आहे. यामुळे आता दोघांचे ब्रेकअप झाल्याचा अंदाज चाहते बांधत आहेत. यानंतर आता सोशल मीडियावर चर्चांना उधाण आलं आहे.

ललित मोदींनी अवघ्या दोन महिन्यांपूर्वीच सुष्मिता सेनसोबतच्या नात्याची घोषणा सोशल मीडियाद्वारे केली होती. ललित मोदींनी त्यावेळी रिलेशनशिपची केवळ घोषणाच केली नव्हती, तर स्वतःचे आणि सुष्मिताचे अनेक रोमँटिक फोटोही शेअर केले होते. या फोटोंमध्ये दोघेही एकमेकांवर प्रेमाचा वर्षाव करताना दिसले होते. मात्र, आता दोघांच्या ब्रेकअपच्या चर्चा रंगल्या आहेत.

नेमकं काय झालं?

ललित मोदींनी काही दिवसांपूर्वी आपल्या नात्याची घोषणा केल्यानंतर सुष्मिता सेनसोबतचा फोटो इन्स्टाग्रामवर पोस्ट केला होता. यानंतर बायोमध्ये देखील सुष्मिता सेनसाठी एक पोस्ट लिहिली होती. आता ललित मोदींनी त्यांच्या इन्स्टाग्राम बायोमध्ये मोठा बदल केला आहे. ललित मोदींनी इंस्टाग्रामवरील आपला फोटो बदलला आहे, त्यासोबत बायोमधील सुष्मिता सेनचे नाव देखील काढून टाकले आहे. यामुळेच आता सुष्मिता सेन आणि ललित मोदी यांच्या ब्रेकअपच्या चर्चांना हवा मिळत आहे. जेव्हा, ललित मोदीं यांनी अभिनेत्रीसोबतच्या नात्याची घोषणा केली, तेव्हा बायोमध्ये लिहिले होते की, त्यांनी सुष्मिता सेनसोबत नवीन आयुष्य सुरू केले आहे. यासोबतच अभिनेत्रीला ‘पार्टनर इन क्राईम’ आणि ‘लव’ देखील म्हटले होते. मात्र, आता हे सगळे काढून टाकण्यात आले आहे.

बायो आणि डीपी बदलल्यानंतर, ललित मोदींकडून अद्याप कोणतेही अधिकृत वक्तव्य करण्यात आलेले नाही. मात्र, आता दोघांचे ब्रेकअप झाल्याचा अंदाज लोक सोशल मीडियावर लावत आहेत. त्यांच्या जुन्या बायोचा स्क्रिनशॉट शेअर करून, युजर्स प्रश्न विचारत आहेत की, आता दोघांचे नाते तुटले आहे का? यावर अद्याप सुष्मिता सेन हिने देखील कोणतीही प्रतिक्रिया दिलेली नाही.

एक्स बॉयफ्रेंडसोबत दिसली सुष्मिता सेन

काही काळापूर्वी अभिनेत्री सुष्मिता सेन रोहमन शॉल (Rohman Shawl) नावाच्या एका मॉडेलला डेट करत होती. मात्र, नुकताच त्यांचा ब्रेकअप झाला होता. त्यानंतर सुष्मिता ललित मोदी यांना डेट करत होती. मात्र, काही दिवसांपूर्वी पुन्हा एकदा ती एक्स बॉयफ्रेंड रोहमनसोबत स्पॉट झाली होती. सुष्मिता सेनला पुन्हा एकदा रोहमन शॉलसोबत पाहून नेटकरी हैराण झाले होते. पुन्हा एकदा हे दोघे एकत्र स्पॉट झाल्याने ब्रेकअपच्या चर्चांना उधाण आले होते.

संबंधित बातम्या