‘एम एस धोनी’ चा सिक्वेल येणार, कोण साकारणार धोनीची भूमिका?

भारतीय क्रिकेट संघाचा माजी कर्णधार महेंद्रसिंग धोनीवरील सिनेमा ‘एमएस धोनी: द अनटोल्ड स्टोरी’ 2016 मध्ये प्रदर्शित झाला. बॉक्स ऑफिसवर या चित्रपटानं तुफान कमाई केली होती. आता ‘एमएस धोनी: द अनटोल्ड स्टोरी’ चा सिक्वेल येणार आहे.

मुंबई : भारतीय क्रिकेट संघाचा माजी कर्णधार महेंद्रसिंग धोनीवरील सिनेमा ‘एमएस धोनी: द अनटोल्ड स्टोरी’ 2016 मध्ये प्रदर्शित झाला. बॉक्स ऑफिसवर या चित्रपटानं तुफान कमाई केली होती. आता ‘एमएस धोनी: द अनटोल्ड स्टोरी’ चा सिक्वेल येणार आहे. या संदर्भातील वृत्त ‘मिड डे’ या इंग्रची वृत्तपत्राने प्रसिद्ध केलं आहे. महत्त्वाचं म्हणजे या सिनेमातही अभिनेता सुशांतसिंह राजपूतच धोनीची भूमिका साकारणार आहे. ‘एमएस धोनी: द अनटोल्ड स्टोरी’ या चित्रपटाला प्रेकक्षकांचा चांगला प्रतिसाद मिळाला होता. अभिनेता सुशांतसिंह राजपूतने यात मुख्य भूमिका साकारली होती. आता पुन्हा एकदा सिक्वेलमध्ये सुशांतसिंह राजपूत ‘कॅप्टन कूल’चा प्रवास साकारताना दिसणार आहे. या चित्रपटात वर्ल्ड कपनंतरचं धोनीचं आयुष्य, आयपीएल सामन्यातील चेन्नई संघाचा विजय या गोष्टी पाहायाला मिळतील. महत्वाचे म्हणजे धोनीच्या खेळावर उपस्थित केलेल्या प्रश्नचिन्हांचाही या चित्रपटात समावेश केला जाणार आहे. या चित्रपटाचे दिग्दर्शन कोण करणार हे अजूनही निश्चिच झालेल नाही. पण मिड डेने दिलेल्या वृत्तानुसार रोनी स्क्रूवाला या चित्रपटाचे निर्माते असू शकतात. ‘एमएस धोनी: द अनटोल्ड स्टोरी’ या चित्रपटाचं दिग्दर्शन नीरज पांडेनं केलं होतं. बॉक्स ऑफिसवर या चित्रपटानं 200 कोटींहून अधिकची कमाई केली होती.