Allu Arjun Corona Positive: साऊथ सुपरस्टार अल्लू अर्जुनला कोरोनाची लागण
अल्लु अर्जुनला कोरोनाची लागण झाली आहे. अल्लु अर्जुनने आपल्या चाहत्यांना स्वतःची काळजी घ्यावी आणि घरीच राहावे आणि लस घ्यावी असे आवाहन केले आहे.
Allu Arjun Corona Positive: साउथ सुपरस्टार अल्लू अर्जुनला कोरोनाची लागण झाली आहे. अल्लू अर्जुनने सोशल मीडियाच्या माध्यमातून आपल्याला झालेल्या कोरोना संसर्गाची माहिती दिली आहे. कोरोना टेस्टिंग रिपोर्ट मिळाल्यानंतर त्याने स्वत: ला घरीच क्वॉरंटाईन केलं आहे, असं अल्लू अर्जुनने सांगितले आहे.
अल्लू अर्जुनने सोशल मीडियावरील पोस्टमध्ये लिहिले आहे की, "मी कोरोना पॉझिटिव्ह आलो आहे. मी स्वत: ला घरी आयसोलेट केलं आहे आणि सर्व प्रोटोकॉलचे पालन करत आहे. गेल्या काही दिवसात जे कुणी माझ्या संपर्कात आले त्यांनीही कोरोना चाचणी करून घ्यावी.'
View this post on Instagram
अल्लु अर्जुनने आपल्या चाहत्यांना स्वतःची काळजी घ्यावी आणि घरीच राहावे आणि लस घ्यावी असे आवाहन केले आहे. अल्लू अर्जुनने आपल्या आरोग्याबद्दल लिहिले की, मला माझ्या चाहत्यांना आणि हितचिंतकांना सांगायचे आहे की त्यांनी घाबरू नये, मी पूर्णपणे स्वस्थ आहे.
अल्लू अर्जुन गेल्या काही दिवसांपासून त्याच्या 'सीटी मार...' गाण्यामुळे चर्चेत आहे. त्याचं हेच गाणं सलमान खानच्या राधे चित्रपटात वापरण्यात आलं आहे. सलमाननेही या हिट गाण्याबद्दल अल्लू अर्जुनचे कौतुक केले आहे.
महत्त्वाच्या बातम्या
