Shraddha Kapoor: 'लग्न कधी करणार?' नेटकऱ्याचा प्रश्न; श्रद्धा कपूर म्हणते,' शेजारच्या काकू तुम्ही...'
Shraddha Kapoor: श्रद्धानं सोशल मीडियावर शेअर केलेल्या फोटोला कमेंट करुन एका नेटकऱ्यानं 'लग्न कधी करणार?' असा प्रश्न विचारला. या प्रश्नाला श्रद्धानं हटके पद्धतीनं उत्तर दिलं आहे.
Shraddha Kapoor: बॉलिवूडमधील प्रसिद्ध अभिनेत्री श्रद्धा कपूर (Shraddha Kapoor) ही तिच्या चित्रपटांमुळे चर्चेत असते. श्रद्धाचा तू झूठी तू मक्कार (Tu Jhoothi Main Makkar ) हा चित्रपट काही महिन्यांपूर्वी रिलीज झाला होता. श्रद्धा ही सध्या तिच्या चित्रपटांमुळे नाही तर तिनं सोशल मीडियावरील एका नेटकऱ्याला दिलेल्या रिप्लायमुळे चर्चेत. नुकताच श्रद्धानं तिचा एक फोटो सोशल मीडियावर शेअर केला. श्रद्धाच्या या फोटोला अनेक नेटकऱ्यांनी कमेंट्स केल्या. एका नेटकऱ्यानं कमेंट करुन 'लग्न कधी करणार?' असा प्रश्न श्रद्धाला विचारला. या प्रश्नाला श्रद्धानं हटके पद्धतीनं उत्तर दिलं आहे.
श्रद्धानं सोशल मीडियावर तिचा पिंक कलरच्या आऊटफिटमधील एक फोटो शेअर केला. या फोटोला तिनं कॅप्शन दिलं, 'Big head = Big Brain' श्रद्धानं शेअर केलेल्या या फोटोला एका नेटकऱ्यानं कमेंट केली, 'लग्न कधी करणार?' या कमेंटला श्रद्धानं रिप्लाय दिला, 'शेजारच्या काकू तुम्ही रिअल आयडीवरुन या' श्रद्धानं दिलेल्या या मजेशीर रिप्लायनं अनेकांचे लक्ष वेधले आहे.
View this post on Instagram
श्रद्धाचा चाहता वर्ग मोठा आहे. तिच्या सोशल मीडियावरील पोस्टवर नेटकरी लाइक्स आणि कमेंट्सचा वर्षाव करतात.
काही महिन्यांपूर्वी रिलीज झालेल्या तू झूठी तू मक्कार या चित्रपटात श्रद्धा कपूरसोबतच रणबीर कपूर, अनुभव सिंग बस्सी आणि डिंपल कपाडिया, बोनी कपूर यांनी देखील प्रमुख भूमिका साकारली 'एक व्हिलन', 'हैदर', 'बागी', 'हाफ गर्लफ्रेंड', 'हसिना पारकर','बत्ती गुल मीटर चालू', 'स्त्री', 'छिछोरे' यांसारख्या चित्रपटांमधून श्रद्धा प्रेक्षकांच्या भेटीस आली. श्रद्धा ही तिच्या अभिनयानं प्रेक्षकांची मनं जिंकत असते. काही दिवसांपूर्वी तू झूठी तू मक्कार या चित्रपटाचा लेखक राहुल मोदीसोबत श्रद्धाचं नाव जोडण्यात आलं होतं. पण हे.राहुल आणि श्रद्धा यांनी त्यांच्या नात्याबाबत कोणतीही माहिती चाहत्यांना दिलेली नाही.
श्रद्धाचे आगामी चित्रपट
लवकरच श्रद्धा ही स्त्री-2 या चित्रपटामधून प्रेक्षकांच्या भेटीस येणार आहे. या चित्रपटात श्रद्धासोबतच राजकुमार राव देखील प्रमुख भूमिका साकारणार आहे. श्रद्धाच्या आगामी चित्रपटांची प्रेक्षक उत्सुकतेने वाट बघत आहेत.
वाचा इतर महत्वाच्या बातम्या:
Shraddha Kapoor: श्रद्धा कपूर राहुल मोदीच्या प्रेमात पडली? अभिनेत्री कोणाला करतेय डेट? जाणून घ्या...
महत्त्वाच्या बातम्या
