Shraddha Kapoor : श्रद्धा कपूरने पारंपारिक पद्धतीने साजरा केला गुढी पाडवा, चाहत्यांना दिल्या नव वर्षाच्या शुभेच्छा

Shraddha Kapoor : श्रद्धा कपूरने सोशल मीडियावर नऊवारी साडीतले फोटो शेअर केले आहेत.

Shraddha Kapoor : आज राज्यभरात गुढी पाडवा मोठ्या उत्साहात साजरा होत आहे. घरोघरी गुढी उभारुन नव्या वर्षाचं जल्लोषात स्वागत करण्यात आलं आहे. मराठी कलाकारांसह बॉलिवूड कलाकारांनीदेखील नववर्षाचं पारंपारिक पद्धतीत स्वागत केलं आहे. हा गुढी पाडवा बॉलिवूड अभिनेत्री श्रद्धा कपूरने (Shraddha Kapoor) पारंपारिक पद्धतीत साजरा केला आहे. 

श्रद्धा कपूरने पारंपारिक पद्धतीत गुढी पाडवा साजरा केला आहे. तसेच तिने चाहत्यांना नव वर्षाच्या शुभेच्छादेखील दिल्या आहेत. श्रद्धा कपूरने नऊवारी साडी नेसलेले, गुढीसोबतचे फोटो सोशल मीडियावर शेअर केले आहेत. श्रद्धाचा हा मराठमोळा लूक चाहत्यांच्या पसंतीस उतरत आहे.

श्रद्धा कपूरने फोटो शेअर करत लिहिले आहे,"नव्या संकल्पांनी करुया नववर्षाचा शुभारंभ, गुढीपाडव्याच्या हार्दिक शुभेच्छा". श्रद्धाच्या फोटोवर चाहते कमेंट्सचा वर्षाव करत तिलादेखील गुढीपाडवा आणि नववर्षाच्या शुभेच्छा देत आहेत. गुढीपाडव्याचा सण श्रद्धा कपूरसाठी खास आहे. कारण तिची आई महाराष्ट्रीयन आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha