अक्षयने माझा वापर करुन सोडलं, शिल्पा शेट्टीचा जुना व्हिडीओ व्हायरल

शिल्पा शेट्टी (Shilpa Shetty) आणि अक्षय कुमारचे (Akshay Kumar) अफेयर सुरु असताना अचानक अक्षयने ट्विंकल खन्नासोबत लग्न केल्याच्या बातम्या आल्या. त्यावर एका मुलाखतीत शिल्पा शेट्टीने अक्षयने माझा वापर करुन घेतला आणि नंतर साथ सोडल्याचा आरोप केला होता.

नवी दिल्ली: बॉलिवूड अभिनेता अक्षय कुमारचे नाव अनेक अभिनेत्रींशी जोडण्यात येत होतं. त्यामध्ये रविना टंडन, शिल्पा शेट्टी आणि इतर काही अभिनेत्रींचा समावेश आहे. आता या संबंधी शिल्पा शेट्टीचा एक जुना व्हिडीओ व्हायरल होत आहे. त्यामध्ये अक्षयने माझा वापर केला आणि साथ सोडली असा आरोप शिल्पा शेट्टीने केला आहे.

शिल्पा शेट्टीने त्यावेळी अक्षय कुमारने आपल्याला धोका दिल्याचंही सांगितलं होतं. शिल्पा शेट्टीच्या मते ती अक्षय कुमारसोबत प्रेमात आकंठ बुडाली होती, त्यानंतरही अक्षय कुमारने तिला धोका दिला. ट्विंकल खन्नासाठी अक्षयने मला सोडलं असं सांगताना शिल्पा शेट्टी म्हणाली की, अक्षय कुमारने तिचा वापर केला आणि तिला धोका दिला.

शिल्पा शेट्टी सांगते की अक्षय कुमार त्याच्या प्रत्येक गर्लफ्रेण्डचा विश्वास जिंकण्यासाठी तिच्यासोबत साखरपुडा करायचा, सिद्धीविनायकाच्या मंदिरात जाऊन देवासमोर लग्नाचं वचन द्यायचा. पण नवीन कोणत्यातरी मुलीवर अक्षयचा जीव आला की मग जुन्या गोष्टी तो विसरायचा. अशा प्रकारे नंतर तो प्रत्येकीला लग्न करायला नकार द्यायचा.

रवीना टंडनचाही आरोप अक्षय कुमारवर केवळ शिल्पा शेट्टीने आरोप केले नाहीत तर त्या यादीत अभिनेत्री रवीना टंडनचाही समावेश आहे. रवीना टंडनने एका मुलाखतीत सांगितलं होतं की, अक्षय कुमार प्रत्येकीला विश्वासात घ्यायचा आणि तिच त्याच्यासाठी खास असल्याचा बनाव करायचा. लग्नाची वेळ आल्यानंतर तो आपला शब्द फिरवायचा. रवीना टंडनची आणि अक्षय कुमारची जोडी एकेकाळी हिट होती. या दोघांच्या अफेयरची चर्चाही खूप चवीनं केली जायची. पण अक्षयने ना रवीनाशी लग्न केलं ना शिल्पा शेट्टीशी.

सगळ्यांचा अंदाज चुकवून 17 जानेवारी 2001 साली अक्षय कुमारने ट्विंकल खन्नासोबत लग्न केलं. आता हे कपल एक फेमस कपल मानलं जातं.