Shalin Bhanot : शालिन भानोत मालिकेच्या सेटवर जखमी; शो मस्ट गो ऑन... म्हणत शूटिंग केलं पूर्ण

Shalin Bhanot : अभिनेता शालिन भानोत 'बेकाबू' मालिकेच्या सेटवर जखमी झाला असून त्याला शरीरावर अनेक ठिकाणी जखमा झाल्या आहेत.

Shalin Bhanot

Shalin Bhanot Injured : 'बिग बॉस' (Bigg Boss) फेम अभिनेता शालिन भानोत (Shalin Bhanot) आता एका वेगळ्याच कारणाने चर्चेत आला आहे. शालिनची 'बेकाबू' (Bekabu) ही मालिका नुकतीच प्रेक्षकांच्या भेटीला आली असून आता या मालिकेच्या सेटवर शालिन गंभीर जखमी झाला आहे. त्याच्या शरीरार अनेक ठिकाणी जखमा झाल्याचं समोर आलं आहे. 

'बेकाबू' या मालिकेत शिवांगी जोशीदेखील काम करत होती. पण काही कारणाने तिला रुग्णालयात दाखल करण्यात आले. त्यामुळे तिने या मालिकेमधून ब्रेक घेतला. अशातच आता शालिन जखमी झाल्याची माहिती समोर आली आहे. दुखापत झाल्यानंतरदेखील शालिनने शूटिंग मात्र सुरुच ठेवलं आहे. तो रात्रंदिवस मालिकेचं शूटिंग करत आहे. 

'बेकाबू'बद्दल बोलताना शालिन म्हणाला...

'बेकाबू' या मालिकेबद्दल बोलताना शालिन म्हणाला,"बेकाबू' या मालिकेच्या सेटवर मी पहिल्यांदा गेलो तेव्हा खूप घाबरलो होतो. ही एका वेगळ्या घाटणीची मालिका असून या मालिकेतील पात्रदेखील खूप वेगळी आहेत. त्यामुळे राणवची भूमिका साकरताना मला खूप भीती वाटत आहे. पण मेहनतीचं फळ मला नक्कीच मिळेल आणि प्रेक्षकांना ही मालिका आवडेल, अशा आशा आहे. 'बेकाबू'च्या माध्यमातून एकता कपूरसोबत काम करण्याचा आनंद वेगळाच आहे". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Shalin Bhanot (@shalinbhanot)

शालिन 'बेकाबू' या मालिकेच्या शूटिंगदरम्यान जखमी झाला आहे. एका अॅक्शन सीनचं शूटिंग करताना त्याच्या शरीरावर अनेक ठिकाणी जखमा झाल्या आहेत. पण अभिनेत्याने जखमी अवस्थेत शो मस्ट गो ऑन... म्हणत शूटिंग पूर्ण केलं आहे. शालिन जखमी झाल्याने चाहते सोशल मीडियाच्या माध्यमातून काळजी व्यक्त करत आहेत. 

शालिन भानोतबद्दल जाणून घ्या... (Who is Shalin Bhanot)

शालिन भानोत नुकताच सलमान खानच्या (Salman Khan) 'बिग बॉस'मध्ये (Bigg Boss 16) दिसला होता. शालिन भानोत हा छोट्या पडद्यावरील एक लोकप्रिय अभिनेता आहे. 'सात फेरे: सलोनी का सफर', 'कुलवधू', 'गृहस्थी', 'सूर्यपुत्र कर्ण' आणि 'सान्या' सारख्या अनेक मालिकांमध्ये त्याने काम केलं आहे. लजीत कौरसोबत 'नच बलिए 4' या डान्स रिअॅलिटी शोमध्येही त्याने भाग घेतला होता. 

संबंधित बातम्या