Koffee With Karan 8 : 'कॉफी विथ करण 8'मध्ये शाहरुख अन् आर्यन खानची हजेरी; कधी पासून सुरू होणार नवा सीझन? जाणून घ्या...

Shah Rukh Khan Aryan Khan : 'कॉफी विथ करण 8'मध्ये बॉलिवूड अभिनेता शाहरुख खान आणि आर्यन खान हजेरी लावणार आहेत.

Koffee With Karan 8

Shah Rukh Khan Aryan Khan In Koffee With Karan 8 : बॉलिवूडचा बादशाह शाहरुख खान (Shah Rukh Khan) आणि त्याचा लेक आर्यन खान (Aryan Khan) सध्या एका वेगळ्याच कारणाने चर्चेत आहे. दोघांचेही चाहते गेल्या काही दिवसांपासून त्यांना एकत्र स्क्रीनवर पाहण्यासाठी उत्सुक आहेत. आता या चाहत्यांसाठी एक आनंदाची बातमी आहे. 'कॉफी विथ करण 8'मध्ये (Koffee With Karan 8)  शाहरुख खान आणि आर्यन खान हजेरी लावणार आहेत. 

'कॉफी विथ करण' या लोकप्रिय कार्यक्रमाचे सात सीझन आतापर्यंत प्रेक्षकांच्या भेटीला आले आहे. या सातही सीझनमध्ये किंग खान वेगवेगळ्या कारणाने सहभागी झाला आहे. यंदा मात्र आठव्या सीझनमध्ये तो लेक आर्यन खानसोबत दिसणार आहे. 

'कॉफी विथ करण 8' कधीपासून होणार सुरू

'कॉफी विथ करण 8' ऑगस्ट महिन्याच्या शेवटी किंवा सप्टेंबर महिन्याच्या सुरुवातीला सुरू होऊ शकतो. डिज्नी प्लस हॉटस्टार या ओटीटी प्लॅटफॉर्मवर प्रेक्षकांना हा कार्यक्रम पाहता येईल. मीडिया रिपोर्टनुसार शाहरुख खान त्याच्या कोणत्या प्रोजेक्टसाठी 'कॉफी विथ करण 8'च्या मंचावर येणार नसून आर्यन खानसाठी येणार आहे. तसेच शाहरुख आणि आर्यनसोबत गौरी खानदेखील (Gauri Khan) 'कॉफी विथ करण 8'मध्ये सहभागी होऊ शकते. दुसरीकडे 'कॉफी विथ करण 8'च्या पहिल्या भागात रणबीर कपूर आणि आलिया भट्ट हजेरी लावणार असल्याचं म्हटलं जात आहे. 

आर्यनच्या 'स्टारडम'ची सर्वत्र चर्चा!

आर्यन खानने गेल्या काही दिवसांपूर्वीच कपड्यांचा ब्रँड लॉन्च केला. स्वत:च्या ब्रँडची त्याने चांगलीच जाहिरात केली. आर्यन आता मनोरंजनसृष्टीत पदार्पण करण्यासाठी सज्ज आहे. 'स्टारडम' या वेबसीरिजच्या दिग्दर्शनाची धुरा आर्यन सध्या सांभाळत आहे. या सीरिजच्या प्रमोशनसाठी आर्यन 'कॉफी विथ करण 8'च्या मंचावर येणार आहे. या वेबसीरिजचे सहा एपिसोड असणार आहेत. 

शाहरुखच्या आगामी सिनेमांबद्दल जाणून घ्या... (Shah Rukh Khan Upcoming Movies)

शाहरुखचा 'पठाण' (Pathaan) हा सिनेमा गेल्या काही दिवसांपूर्वी प्रेक्षकांच्या भेटीला आला होता. या सिनेमाने बॉक्स ऑफिसवर चांगलीच कमाई केली. आता त्याचा 'जवान' (Jawan) हा सिनेमा प्रेक्षकांच्या भेटीसाठी सज्ज आहे. हा सिनेमा येत्या 7 सप्टेंबरला प्रदर्शित होणार आहे. तसेच त्याने 'टायगर 3' आणि 'डंकी' हे सिनेमे लवकरच प्रेक्षकांच्या भेटीला येणार आहे. त्यानंतर तो सलमानसोबत 'टायगर वर्सेज पठाण' या सिनेमाच्या शूटिंगला सुरुवात करणार आहे. 

संबंधित बातम्या