पाकिस्तानी चहावाल्याची शाहरुखलाही भुरळ

मुंबई : पाकिस्तानमध्ये सध्या एक चहावाला सर्वाधिक चर्चेत आहे. हा चहावाला त्याच्या निळ्या डोळ्यांमुळे सर्वांचं, विशेषत: तरुणींचं लक्ष वेधून घेत आहे. याच्या निळ्या नजरेने पाकिस्तानातीलच नव्हे तर भारतातील मुलीही अक्षरश: घायाळ झाल्या आहेत. आता बॉलिवूडचा किंग खान शाहरुखलाही याची भुरळ पडली आहे. अर्शद खान असं या तरुणाचं नाव आहे. अर्शद शाहरुखचा जबरा फॅन आहे. ही गोष्ट शाहरुखला समजल्यावर त्यानेही अर्शदच्या डोळ्यांचं कौतुक केलं आहे. https://twitter.com/iamsrk/status/796951958095433728 अर्शद देखील त्याच्या सौंदर्यामुळे आता एक स्टार झाला आहे. अनेक तरुणी अर्शदच्या डोळ्यांवर फिदा आहेत. जिया अलीच्या अकाऊंटवरुन सर्वात आधी या चहावाल्याचा फोटो इन्स्टाग्रामवर शेअर केला. त्यानंतर या फोटोला लाईक आणि शेअरचा अक्षरश: महापूर आला. या निली आखोंवाल्या अर्शदला सोशल मिडियावर न्यूक्लिअर वेपन आणि सर्जिकल स्ट्राईक ऑन इंडियन गर्ल्स म्हणूनही संबोधलं जातंय.

व्हिडिओ :  पाकिस्तानी चहावाला, निळ्या डोळ्याने तरुणींवर 'सर्जिकल स्ट्राईक'

निळ्या डोळ्यांच्या चहावाल्याचा 10 गोष्टी 1) नाव – अर्शद खान 2) अर्शदचं वय – 18 वर्ष 3) अर्शदला तब्बल 16 भावंडं आहेत 4) अर्शद हा मर्दन या खैबर पक्खुतन्वा प्रांतातील आहे. 5) अर्शदचं कुटुंब गेल्या 25 वर्षांपासून इस्लामाबादमध्ये राहतं. अर्शद यापूर्वी फळविक्रेता होता. तीन महिन्यांपूर्वीच त्याने चहाचा गाडा सुरु केला. 6) अर्शदला चहावाला म्हटल्याचा राग येत नाही 7) अर्शदला मॉडेलिंग/अक्टिंगच्या ऑफरची आवड आहे 8) अर्शदला तशा अनेक ऑफर्सही आल्या आहेत 9) अर्शद खानचं स्वत:चं सोशल मीडियावर अकाऊंट नाही 10) आपण शाहरुख खानसारखं दिसतो, असं अर्शदला वाटतं.