Jawan: 'आप को हमारी कसम…'; जवान रिलीज होताच शाहरुखचं खास ट्वीट

Shah Rukh Khan: शाहरुखनं एक खास ट्वीट शेअर केलं आहे. त्याच्या या ट्वीटनं अनेकांचे लक्ष वेधले आहे.

Jawan

Shah Rukh Khan: बॉलिवूडमधील प्रसिद्ध अभिनेता शाहरुख खानचा (Shah Rukh Khan) जवान (Jawan) हा चित्रपट आज प्रेक्षकांच्या भेटीस आला. या चित्रपटाची प्रेक्षक उत्सुकतेने वाट बघत आहे. जवान चित्रपट रिलीज होताच प्रेक्षकांनी थिएटरबाहेर गर्दी केली. अनेकांनी सोशल मीडियावर जवान चित्रपटाचा रिव्ह्यू शेअर केला आहे. काही लोकांनी जवान चित्रपटामधील शाहरुखच्या अभिनयाचं कौतुक केलं आहे. आता शाहरुखनं एक खास ट्वीट शेअर केलं आहे. त्याच्या या ट्वीटनं अनेकांचे लक्ष वेधले आहे.

शाहरुखचं ट्वीट

शाहरुखनं ट्वीटमध्ये लिहिलं,'बेकरार हो गये, अब तो आ ही जाये….घर वालो को भी साथ लाये.आप को हमारी कसम!!! तुमच्या सर्वांसाठी आमच्या प्रेमाची ऑफर घेऊन आलो आहोत. आशा आहे तुम्हा सर्वांचे मनोरंजन झाले असेल !! जवान आता सिनेमागृहात पहा- हिंदी, तमिळ आणि तेलुगुमध्ये.' शाहरुखच्या या ट्वीटवर नेटकऱ्यांनी लाइक्स आणि कमेंट्सचा वर्षाव केला आहे. 

ट्वीटमध्ये शाहरुखनं एक फोटो देखील शेअर केला आहे. या फोटोमध्ये शाहरुखचे दोन फोटो दिसत आहे. 'सात को साथ साथ' असंही या फोटोवर लिहिलेलं दिसत आहे.

Beqaraar ho Gaye ab toh aa hi Jaiye….Ghar Waalon ko bhi saath Laiye.
Aap ko humaari kasam….!!!
Ready with our offering of love for all of you. Hope you all are entertained!!!https://t.co/fLEcPK9UQT

Watch Jawan in cinemas now- in Hindi, Tamil & Telugu. pic.twitter.com/8pUXDWRkyY

— Shah Rukh Khan (@iamsrk) September 7, 2023

शाहरुख खानच्या जवान या चित्रपटाचा फर्स्ट डे फर्स्ट शो पाहण्यासाठी चाहत्यांनी थिएटरबाहेर गर्दी केली. सान्या मल्होत्रा, प्रियामणी, रिद्धी डोगरा, गिरिजा ओक यांनी देखील जवान या चित्रपटामध्ये काम केलं आहे.  या चित्रपटात अभिनेत्री दीपिका पदुकोणनेही विशेष भूमिका साकारली आहे. जवान चित्रपटात विजय सेतुपती, नयनतारा यांनी देखील काम केलं आहे.अॅटलीनं या चित्रपटाचं दिग्दर्शन केलं आहे.

'जवान' हा चित्रपट भारतातील तब्बल 5500 स्क्रीन्सवर रिलीज झाला आहे. तर जगभरात हा चित्रपट 10000 स्क्रीन्सवर प्रदर्शित झाला आहे. जवान चित्रपटाच्या प्रीव्ह्यूला आणि या चित्रपटांमधील गाण्यांना प्रेक्षकांची पसंती मिळाली. या चित्रपटामधील जिंदा बंदा आणि चलेया या गाण्यांना नेटकऱ्यांची पसंती मिळाली. आता हा चित्रपट पहिल्या दिवशी किती कमाई करणार? याकडे अनेकांचे लक्ष लागले आहे. 

संबंधित बातम्या