Shah Rukh Khan : अरे रे...! 'Don 3'मधून शाहरुख खानची एक्झिट; 'या' कारणाने नाकारली ऑफर

Don 3 : फरहान अख्तरच्या 'डॉन 3' या सिनेमात शाहरुख खान दिसणार नसल्याची माहिती समोर आली आहे.

Shah Rukh Khan

Shah Rukh Khan says no to Don 3 : बॉलिवूडचा सुपरस्टार शाहरुख खानचा (Shah Rukh Khan) 'पठाण' (Pathaan) हा सिनेमा गेल्या काही दिवसांपूर्वी प्रेक्षकांच्या भेटीला आला होता. या सिनेमाने बॉक्स ऑफिसवर चांगली कमाई केली असून किंग खानच्या चाहत्यांना त्याच्या आगामी सिनेमांची प्रतीक्षा आहे. फरहान अख्तरच्या (Farhan Akhtar) 'डॉन 3' (Don 3) या सिनेमाची गेल्या काही दिवसांपूर्वी घोषणा झाली. या सिनेमात शाहरुख खान मुख्य भूमिकेत असणार असे म्हटले जात होते. पण आता शाहरुखने या सिनेमातून एक्झिट घेतल्याची माहिती समोर आली आहे. 

फरहान अख्तरने 'डॉन 3'च्या कथानकावर काम करायला सुरुवात केली आहे. लवकरच तो या सिनेमाच्या शूटिंगला सुरुवात करणार आहे. या सिनेमाच्या माध्यमातून बॉलिवूडचा बादशाह पुन्हा एकदा रुपेरी पडद्यावर झळकणार असल्याची चर्चा होती. पण आता किंग खान या सिनेमात दिसणार नसल्याचं समोर आलं आहे. 

शाहरुख खानने 'डॉन 3' नाकारला

पिंकव्हिलाने दिलेल्या माहितीनुसार, शाहरुख खान 'डॉन 3' या सिनेमात दिसणार नाही. शाहरुखने या सिनेमाची ऑफर नाकारल्याने निर्मात्यांनी एका बड्या या सिनेमासाठी विचारणा केली आहे. 'डॉन 3'च्या कथेबद्दल गेल्या अनेक दिवसांपासून फरदान अख्तर आणि रितेश सिधवानी यांच्यात चर्चा होत होत्या. कोरोनाकाळाआधीच या सिनेमाच्या कथेवर काम करायला सुरुवात झाली होती. पण आता या सिनेमामधून शाहरुखने मात्र माघार घेतली आहे. वेगळ्या पठडीतले सिनेमे करण्यासाठी शाहरुखने हा सिनेमा नाकारला असल्याचं समोर आलं आहे". 

डॉनच्या भूमिकेत कोण झळकणार? 

बॉलीवूडचा सुपरस्टार शाहरुख खानने 'डॉन 3'मधून एक्झिट घेतल्याने निर्मात्यांनी आता दुसऱ्या सेलिब्रिटींना या सिनेमासाठी विचारणा करायला सुरुवात केली आहे. अमिताभ बच्चन, शाहरुख खानसारख्या एका दर्देजार अभिनेत्याला हा सिनेमा मिळणा असल्याचं म्हटलं जात आहे. लवकरच या सिनेमाची अधिकृत घोषणा होईल. आता कोणत्या सेलिब्रिटीचं नशीब चमकतं हे पाहणं उत्सुकतेचं ठरणार आहे. 

शाहरुख खानचे आगामी सिनेमे (Shah Rukh Khan Upcoming Movies)

शाहरुखचा 'जवान' (Jawan) हा सिनेमा प्रेक्षकांच्या भेटीसाठी सज्ज आहे. हा सिनेमा 5 जून 2023 रोजी प्रेक्षकांच्या भेटीला येणार आहे. तसेच त्याचा 'डंकी' (Dunki) हा सिनेमादेखील लवकरच प्रेक्षकांच्या भेटीला येणार आहे. गेल्या काही दिवसांपूर्वी किंग खानचा 'पठाण' (Pathan) हा बहुचर्चित सिनेमा प्रेक्षकांच्या भेटीला आला होता. या सिनेमाने बॉक्स ऑफिसवर 1050 कोटींचा गल्ला जमवला होता.

संबंधित बातम्या