Eid 2023 : ईद मुबारक! शाहरुखनं मन्नतच्या बाल्कनीत येऊन चाहत्यांना दिल्या ईदच्या शुभेच्छा
आज चाहत्यांना ईदच्या शुभेच्छा देण्यासाठी शाहरुख (Shah Rukh Khan) हा त्याच्या मन्नत या बंगल्याच्या बाहेर आला होता.
Shah Rukh Khan: बॉलिवूडचा किंग खान, अशी ओळख असणाऱ्या शाहरुख खानचा (Shah Rukh Khan) चाहता वर्ग मोठा आहे. शाहरुखची एक झलक पाहण्यासाठी चाहते, त्याच्या घराबाहेर त्याचे चाहते गर्दी करत असतात. आज चाहत्यांना ईदच्या शुभेच्छा देण्यासाठी शाहरुख हा त्याच्या मन्नत या बंगल्याच्या बाहेर आला होता. यावेळी शाहरुखसोबतच त्याचा मुलगा अबराम देखील होता. मन्नत (Mannat) बाहेरील शाहरुखचे आणि अबरामचे फोटो आणि व्हिडीओ सोशल मीडियावर व्हायरल झाले आहेत.
चाहत्यांना ईदच्या शुभेच्छा देण्यासाठी शाहरुख हा त्याच्या मन्नत या बंगल्याच्या बाल्कनीत आला होता. यावेळी शाहरुख हा व्हाईट टि-शर्ट, ब्लॅक पँट आणि गॉगल अशा कूल लूकमध्ये दिसला. शाहरुखनं त्याचा मन्नत बाहेरील फोटो ट्विटरवर शेअर केला. या फोटोला त्यानं कॅप्शन दिलं, 'या उत्सवाच्या दिवशी तुम्हा सर्वांना पाहून खूप आनंद झाला! प्रेम पसरवूया. देवाचा आशीर्वाद आपल्या सर्वांवर असो. ईद मुबारक.'
मन्नत बाहेरील शाहरुखचे फोटो आणि व्हिडीओ व्हायरल झाले आहेत. या व्हिडीओमध्ये शाहरुख मन्नत बाहेर आलेल्या चाहत्यांना ईदच्या शुभेच्छा देताना दिसत आहे.
So lovely to see you all on this festive day!!! Now let’s spread the love… and may God’s blessings be upon all of us… Eid Mubarak. pic.twitter.com/P7eYPmgSko
— Shah Rukh Khan (@iamsrk) April 22, 2023
View this post on Instagram
View this post on Instagram
शाहरुखचे आगामी चित्रपट
शाहरुख लवकरच जवान आणि डंकी या चित्रपटांमधून प्रेक्षकांच्या भेटीस येणार आहे. त्याच्या आगामी चित्रपटांची प्रेक्षक उत्सुकतेने वाट बघत आहेत. काही महिन्यांपूर्वी शाहरुखचा पठाण हा चित्रपट प्रेक्षकांच्या भेटीस आला. या चित्रपटानं बॉक्स ऑफिसवर धुमाकूळ घातला. या चित्रपटात शाहरुखसोबतच, दीपिका पादुकोण (Deepika Padukone) आणि जॉन अब्राहम (John Abraham) यांच्यासोबतच डिंपल कपाडिया आणि आशुतोष राणा यांनी देखील प्रमुख भूमिका साकारली.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
