ASK SRK: "तुझे फालतू सिनेमे फक्त पीआर टीममुळे ब्लॉकबस्टर ठरले"; नेटकऱ्यानं किंग खानला डिवचलं, शाहरुखनं उत्तर देऊन केली बोलती बंद!
ASK SRK: शाहरुखच्या (Shah Rukh Khan) ट्विटरवरील आस्क एस आर के या सेशनमध्ये काही युझर्सनं शाहरुखला डंकी (Dunki) या चित्रपटाबद्दल काही प्रश्न विचारले आहेत. या प्रश्नांची शाहरुखनं उत्तरं दिली आहेत.
ASK SRK: अभिनेता शाहरुख खानचा (Shah Rukh Khan) डंकी (Dunki) हा चित्रपट लवकरच प्रेक्षकांच्या भेटीला येणार आहे. या चित्रपटाचा ट्रेलर काही दिवसांपूर्वी रिलीज झाला. या ट्रेलरला प्रेक्षकांची पसंती मिळाली. आता शाहरुखच्या ट्विटरवरील आस्क एस आर के या सेशनमध्ये काही युझर्सनं शाहरुखला डंकी या चित्रपटाबद्दल काही प्रश्न विचारले आहेत. या प्रश्नांची शाहरुखनं उत्तरं दिली आहेत.
नेटकऱ्यांचे अतरंगी प्रश्न
एका नेटकऱ्यानं आस्क एस आर के या सेशनमध्ये शाहरुखला प्रश्न विचारला, "डंकीमध्ये सॅक्स सुक्स तर नाही ना? वडिलांसोबत चित्रपट पाहू शकतो ना?" या प्रश्नाला शाहरुखनं उत्तर दिलं, "सॅक्स सुक्स म्हणजे काय? ते मला कळालं नाही, पण तिकिटावर टॅक्स टूक्स आहे. तो तू वडिलांकडून घे"
Sax Sux toh samjha nahi….tickets pe Tax Tux zaroor hoga. Daddy se le lena. #DunkiTrailer https://t.co/vyuybrk3rW
— Shah Rukh Khan (@iamsrk) December 6, 2023
एका नेटकऱ्यानं शाहरुखला प्रश्न विचारला, "तू आमच्यासोबत डंकी चित्रपटाचा फर्स्ट डे फर्स्ट शो बघशील का? आम्ही तुला वचन देतो की, आम्ही तुझ्या बॉडीगार्डला त्रास देणार नाही आणि चांगले वागू". नेटकऱ्याच्या या प्रश्नाला शाहरुखनं उत्तर दिलं, "यार, मी हा सिनेमा पाच वेळा पाहिला आहे. जर तू सहाव्या वेळी चित्रपट पाहिला तर मी नक्की तुझ्यासोबत चित्रपट बघायला येईल"
Yaar maine dekh li hai….paanch baar!! When u go for the sixth time I promise I will come with you. #DunkiTrailer https://t.co/4KxsB6dGGJ
— Shah Rukh Khan (@iamsrk) December 6, 2023
नेटकऱ्यानं किंग खानला डिवचलं
एका नेटकऱ्यानं शाहरुखला प्रश्न विचारला, "तुझ्या अत्यंत प्रभावी आणि कार्यक्षम पीआर टीममुळे तुझी गेले दोन फालतू सिनेमे ब्लॉकबस्टर ठरले. तुझा पीआर आणि मार्केटिंग टीमवर अजूनही विश्वास आहे का की, डंकी देखील हिट होईल? आणि हा चित्रपट बॉलिवुडमधील आणखी एक गोल्डन फालतू चित्रपट ठरेल?", हा प्रश्न विचारुन नेटकऱ्यानं शाहरुखसोबत पंगा घेतला. पण शाहरुखनं त्याला सडेतोड उत्तर दिलं.
शाहरुखचं सडेतोड उत्तर
शाहरुखनं नेटकऱ्याच्या प्रश्नाला उत्तर दिलं, "साधारणपणे मी तुझ्यासारख्या बुद्धिमान लोकांना उत्तर देत नाही. परंतु तुमच्या बाबतीत मी अपवाद करत आहे कारण मला वाटते की, तुला बद्धकोष्ठता झाली आहे आणि त्यावर तू उपचार घे. माझ्या PR टीमला तुला काही औषधे पाठवायला सांगेन. आशा आहे की तू लवकर बरा होशील"
Normally I don’t answer amazingly intelligent people like you. But in your case I am making an exception because I feel you need to be treated for constipation. Will tell my PR team to send you some golden medicines…hope u recover soon. https://t.co/FmKfCZxmyp
— Shah Rukh Khan (@iamsrk) December 6, 2023
संबंधित बातम्या:
महत्त्वाच्या बातम्या
