36 Gunn : भारतीय लग्नसंस्थेवर भाष्य करणाऱ्या '36 गुण'चे पोस्टर आऊट; संतोष जुवेकर मुख्य भूमिकेत

36 Gunn : '36 गुण' हा सिनेमा लवकरच प्रेक्षकांच्या भेटीला येणार आहे.

Santosh Juvekar

36 Gunn Marathi Movie : मराठमोळा अभिनेता संतोष जुवेकर (Santosh Juvekar) सध्या चर्चेत आहे. संतोषचा आगामी '36 गुण' (36 Gunn) हा सिनेमा लवकरच प्रेक्षकांच्या भेटीला येणार आहे. नुकतेच या सिनेमाचे पोस्टर आऊट झाले आहे. '36 गुण'च्या रोमॅंटिक पोस्टरने चाहत्यांचे लक्ष वेधून घेतले आहे. 

'36 गुण' म्हटलं की डोळ्यासमोर येतं ते म्हणजे लग्न. लग्न जुळवताना '36 गुण' पाहिले जातात. नजणांमध्ये वाद किंवा भांडण असेल तेव्हा दोघांमध्ये '36 गुण'चा आकडा आहे असं म्हटलं जातं. असाच '36 गुणां'वर भाष्य करणारा '36 गुण' हा सिनेमा प्रेक्षकांच्या भेटीसाठी सज्ज आहे. या सिनेमात संतोष जुवेकर आणि अभिनेत्री पूर्वा पवार मध्यवर्ती भूमिकेत दिसणार आहेत. 

'36 गुण' या सिनेमाच्या दिग्दर्शनाची धुरा समित कक्कडने सांभाळली आहे. तरुण पिढीच्या दृष्टीकोनातून भारतीय लग्नसंस्थेवर भाष्य करणारा हा मनोरंजक सिनेमा आहे. या सिनेमाचं शूटिंग मुंबई आणि लंडनमध्ये पार पडलं आहे. आतापर्यंत न पाहिलेले लंडन आणि वेगळा विषय '36 गुण' या सिनेमात मांडण्यात आला आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Santosh Juvekar (@santoshjuvekar12)

‘36 गुण’ सिनेमाचं कथानक काय? 

घरदारं बघून चहा पोह्यांचा रीतसर कार्यक्रम करून, देवा ब्राह्मणांच्या साक्षीने आणि थोरामोठ्यांच्या आशीर्वादाने विवाह झालेले, सुधीर आणि क्रिया त्यांचा मधुचंद्र लंडनला करायचा ठरवतात आणि तिथे पोहचल्यावर मात्र त्यांना एकमेकांमध्ये दिसणाऱ्या गुण-अवगुणांची, आपआपसातील वेगळेपणाची जाणीव यावर '36 गुण' चित्रपट भाष्य करतो.

संतोष आणि पूर्वासह '36 गुण' या सिनेमात पुष्कर श्रोत्री, विजय पाटकर, वैभव राज गुप्ता, स्वाती बोवलेकर हे कलाकारदेखील महत्त्वाच्या भूमिकेत दिसणार आहेत. '36 गुण' हा सिनेमा येत्या 4 नोव्हेंबरला प्रेक्षकांच्या भेटीला येणार आहे. 

संबंधित बातम्या