Sankarshan Karhade: 'माझ्यावर चार गुंडांनी हल्ला केला...'; संकर्षण कऱ्हाडेच्या पोस्टनं वेधलं लक्ष
संकर्षण (Sankarshan Karhade) हा सध्या त्याच्या नाटकामुळे नाही तर एका सोशल मीडियावरील पोस्टमुळे चर्चेत आहे.
Sankarshan Karhade: अभिनेता संकर्षण कऱ्हाडे (Sankarshan Karhade) हा त्याच्या अभिनयानं प्रेक्षकांची मनं जिंकत असतो. तो नाटक, मालिका आणि चित्रपटांच्या माध्यमातून प्रेक्षकांचे मनोरंजन करतो. संकर्षण हा गेल्या काही दिवांपासून “नियम व अटी लागू…” या नाटकामधून प्रेक्षकांच्या भेटीस येत आहे. संकर्षण हा लवकरच एका कुकिंग शोमधून प्रेक्षकांच्या भेटीस येणार आहे. संकर्षण हा सध्या त्याच्या नाटकामुळे किंवा शोमुळे नाही तर त्यानं शेअर केलेल्या एका सोशल मीडियावरील पोस्टमुळे चर्चेत आहे. त्याच्या या पोस्टनं अनेकांचे लक्ष वेधले आहे.
संकर्षणची पोस्ट
संकर्षणनं इन्स्टाग्रामवर त्याचा एक सेल्फी शेअर केला आहे. या सेल्फीमध्ये त्याच्या हाताला दुखापत झालेली दिसत आहे. या फोटोला संकर्षणनं कॅप्शन दिलं, परवा रात्री माझ्यावर 4 (चार) गुंडांनी हल्ला केला. मी त्यांच्याशी 2 (दोन) हात केले. त्यात माझा 1 (एक) हात जखमी झालाय. ह्याची तुम्हाला 0 (शुन्य) कल्पना होती म्हणुन हा फोटो पोस्ट करतोय.' संकर्षणनं शेअर केलेल्या या फोटोला अनेक नेटकऱ्यांनी कमेंट्स केल्या आहेत.
नेटकऱ्यांच्या कमेंट्स
संकर्षणच्या पोस्टला एका नेटकऱ्यानं कमेंट केली, '3 (तीन) वेळा सांगून ही ऐकत नाहीस... काळजी घे रे बाबा' तर दुसऱ्या युझरनं कमेंट केली, 'तुला मिळत असलेल यश बघवत नसेल ...'
View this post on Instagram
संकर्षण हा लवकरच एका कुकिंग शोच्या माध्यमातून प्रेक्षकांच्या भेटीस येणार आहे. या कुकिंग शोचे नाव 'महाराष्ट्राची किचन क्वीन' (Maharashtrachi Kitchen Queen) असं आहे. संकर्षण हा 'महाराष्ट्राची किचन क्वीन' या कार्यक्रमाचं सूत्रसंचालन करणार आहे.
माझी तुझी रेशिमगाठ, खुलता कळी खुलेना या मालिकांमध्ये संकर्षणनं काम केलं. तसेच त्यानं वेडिंग चा शिनेमा या चित्रपटात देखील संकर्षणनं काम केलं आहे. 'किचन कल्लाकार' या कार्यक्रमाचं संकर्षणनं सूत्रसंचालन केलं होतं. संकर्षण हा सध्या “नियम व अटी लागू…” या नाटकामधून प्रेक्षकांच्या भेटीस येत आहे. या नाटकामधील संकर्षणच्या अभिनयाला प्रेक्षकांची पसंती मिळत आहे. “नियम व अटी लागू…” या नाटकाचे निर्माते प्रशांत दामले आहेत, तर दिग्दर्शक चंद्रकांत कुलकर्णी आहेत.
इतर महत्त्वाच्या बातम्या:
महत्त्वाच्या बातम्या
