एक्स्प्लोर

सुलतानची रेकॉर्डब्रेक कमाई, तरीही सलमान नाराज

Written By : एबीपी माझा वेब टीम | Updated at : 12 Jul 2016 03:19 PM (IST)

नवी दिल्लीः सलमान खान नेहमीच सिनेमांच्या तिकीट दरवाढी विरोधात आहे. त्यामुळे सुलतान सर्वाधिक कमाई करणारा सिनेमा ठरला असला तरी देखील वाढलेल्या तिकीट दरांमुळे सलमान नाराज असल्याचं बोललं जात आहे. सिनेमांचे तिकीट दर कमी होण्यासाठी नवीन थिएटर्स सुरु करणं गरजेचं असल्याचं सलमानने काही दिवसांपूर्वी दिलेल्या एका मुलाखतीत सांगितलं होतं. मात्र सुलतानचे दर वाढल्यामुळे अनेक प्रेक्षक सिनेमा पाहू शकलेले नाहीत, याची खंत सल्लूला सतावत आहे. त्यामुळेच तो नाराज असल्याचं बोललं जात आहे.

संबंधित बातमीः शाहरुख, सलमान की आमीर, बंपर ओपनिंगमध्ये कोण पुढे?

सिनेमाचे हक्क विकण्यापूर्वी सलमानची असते अट सलमान त्याच्या सिनेमाचे वितरण हक्क विकण्यापूर्वी वितरकांना नेहमी एक अट ठेवतो. सिनेमा हा सर्वांना पाहण्यासाठी आहे, त्यापासून कोणी वंचित राहता कामा नाही. त्यामुळे वितरण कंपनीने रिलीजवेळी तिकीट दर वाढवू नयेत, ही सलमानची नेहमीची अट असते, असं ज्येष्ठ सिनेमा वितरक संजय घई यांनी सांगितलं. वितरकांकडून वितरण हक्क घेतल्यानंतर तिकीट दर वाढवण्याचे प्रकार अनेकदा घडतात. त्यामुळे रिलीज करताना प्रेक्षकांनी कितीही पसंती दिली तरी, तिकीट दर वाढवायचे नाही, अशी अट सलमान नेहमी घालतो.