Salman Khan: सलमाननं पोस्ट शेअर करत एका महिलेला वाहिली श्रद्धांजली, 'ही कोण?', नेटकऱ्यांनी विचारला प्रश्न
सलमाननं (Salman Khan) सोशल मीडियावर पोस्ट शेअर करुन एका महिलेला श्रद्धांजली वाहिली आहे.
Salman Khan Condolence To Addu: बॉलिवूडमधील प्रसिद्ध अभिनेता सलमान खान (Salman Khan) हा त्याच्या वैयक्तिक आयुष्यामुळे चर्चेत असतो. तो सोशल मीडियावर (Social Media) खूप अॅक्टिव्ह असतो. सलमान हा सोशल मीडियावर पोस्ट शेअर करुन त्याच्या आगामी प्रोजेक्ट्सची माहिती चाहत्यांना देतो. सध्या सलमान हा त्याच्या एका पोस्टमुळे चर्चेत आहे. सलमाननं सोशल मीडियावर पोस्ट शेअर करुन एका महिलेला श्रद्धांजली वाहिली आहे. सलमानने ज्या महिलेला श्रद्धांजली वाहिली, ती कोण आहे? असा प्रश्न सध्या नेटकरी सलमानला विचारत आहेत.
सलमान खानची पोस्ट
सलमाननं त्याच्या इन्स्टाग्राम अकाऊंटवर एक फोटो शेअर केला आहे. या फोटोमध्ये एक महिला दिसत आहे. या फोटोला त्यानं कॅप्शन दिलं, 'माझी प्रिय अद्दू, मी मोठा होत असताना तू मला दिलेलं प्रेम आणि पाठिंब्याबद्दल मी तुझे आभार मानतो.अद्दू, तुझ्या आत्म्याला शांती लाभो.'
कमेंट करुन नेटकऱ्यांनी विचारला प्रश्न
सलमाननं शेअर केलेल्या या पोस्टला कमेंट करुन अनेकांनी 'ही कोण?' असा प्रश्न विचारला आहे. सलमाननं शेअर केलेल्या फोटोमधील महिला ही सलमानची केअर टेकर होती, असा अंदाज लावला जात आहे. पण या माहिलेबाबत सलमाननं अजून कोणतीही माहिती दिलेली नाही.
View this post on Instagram
सलमानचा किसी का भाई किसी की जान हा चित्रपट काही दिवसांपूर्वी प्रेक्षकांच्या भेटीस आला. या चित्रपटानं बॉक्स ऑफिसवर धुमाकूळ घातला. या चित्रपटामधील 'छोटू मोटू' ,'येंतम्मा', 'नय्यो लगदा', 'बिल्ली बिल्ली', 'बथुकम्मा' आणि 'जी रहे थे हम' या गाण्यांना प्रेक्षकांची पसंती मिळाली आहे. या चित्रपटानं बॉक्स ऑफिसवर कोट्यवधींची कमाई केली आहे. चित्रपटात पूजा हेगडे, शहनाज गिल, भूमिका चावला, वेकेंटश दग्गुबाती, पलक तिवारी, सिद्धार्थ निगम, जस्सी गिल या कलाकारांनी प्रमुख भूमिका साकारली आहे.
आता सलमानच्या आगामी चित्रपटांची प्रेक्षक उत्सुकतेने वाट बघत आहेत. 'टायगर-3' हा चित्रपट देखील लवकरच प्रेक्षकांच्या भेटीस येणार आहे. किक-2 तसेच नो एन्ट्रीच्या सिक्वेलमधून सलमान प्रेक्षकांच्या भेटीस येणार आहे, असंही म्हटलं जात आहे.
संबंधित बातम्या
महत्त्वाच्या बातम्या
