Rashmika Mandanna First Look Out From Animal : 'अॅनिमल' (Animal) हा सिनेमा लवकरच प्रेक्षकांच्या भेटीला येणार आहे. काही दिवसांपासून या सिनेमाची चर्चा होत होती. पण आता हा सिनेमा प्रेक्षकांच्या भेटीसाठी सज्ज आहे. आता या सिनेमातील अभिनेत्री रश्मिका मंदानाचा (Rashmika Mandanna) फर्स्ट लूक आऊट झाला आहे.
'अॅनिमल' या सिनेमात रश्मिका मंदाना (Rashmika Mandanna) आणि रणबीर कपूर (Ranbir Kapoor) मुख्य भूमिकेत आहेत. संदीप रेड्डी वांगा (Sandeep Reddy Vanga) यांनी या बहुचर्चित सिनेमाच्या दिग्दर्शनाची धुरा सांभाळली आहे. आता या सिनेमातील रश्मिकाचा लूक आऊट झाल्याने प्रेक्षकांची उत्सुकता आणखी वाढली आहे. रश्मिकाने सोशल मीडियावर पोस्टर शेअर केलं आहे. पोस्टर शेअर करत तिने लिहिलं आहे,"तुमची गीतांजली".
रश्मिका मंदानाचा फर्स्ट लूक आऊट!
'अॅनिमल' या सिनेमातील अभिनेत्री रश्मिका मंदानाचा फर्स्ट लूक आऊट झाला आहे. या सिनेमात अभिनेत्री गीतांजलीच्या भूमिकेत दिसणार आहे. 'अॅनिमल' सिनेमातील रश्मिकाचं फर्स्ट लूक पोस्टर खूपच खास आहे. लाल रंगाची साडी, गळ्यात मंगळसूत्र आणि कपाळावर कुंकू असा काहीसा रश्मिकाचा लूक 'अॅनिमल' या सिनेमात प्रेक्षकांना पाहायला मिळेल. पोस्टरमध्ये रश्मिका आनंदी दिसत आहे. पोस्टर शेअर करत निर्मात्यांनी टीझर रिलीज करण्याची तारीख जाहीर केली आहे. येत्या 28 सप्टेंबरला या सिनेमाचा टीझर प्रेक्षकांच्या भेटीला येईल.
'अॅनिमल' हा सिनेमा आधी 11 ऑगस्ट 2023 रोजी प्रेक्षकांच्या भेटीला येणार होता. पण काही कारणाने या सिनेमाची रिलीज डेट पुढे ढकलण्यात आली. आता हा सिनेमा 1 डिसेंबर 2023 रोजी प्रेक्षकांच्या भेटीला येणार आहे. निर्मात्यांनी या सिनेमाच्या प्रमोशनला सुरुवात केली आहे.
'कबीर सिंह' फेम दिग्दर्शक संदीप रेड्डी वांगा यांचा 'अॅनिमल' हा सिनेमा आहे. त्यामुळे या सिनेमाकडून प्रेक्षकांच्या खूप अपेक्षा आहेत. 'अॅनिमल' हा पॅन इंडिया सिनेमा असणार आहे. हिंदीसह हा सिनेमा तामिळ, तेलुगू, कन्नड आणि मल्याळम या भाषांमध्ये रिलीज होणार आहे. या बहुचर्चित सिनेमाची प्रेक्षक आतुरतेने वाट पाहत आहेत.
संबंधित बातम्या