Ranbir Kapoor Good News : रणबीर कपूरच्या चाहत्यांसाठी खुशखबर, 'अॅनिमल' सिनेमा लवकरच प्रदर्शित होणार

Ranbir Kapoor Animal Relase Date : रणबीर कपूर आणि आलिया भट्टच्या लग्नाच्या चर्चा होत आहेत. अशातच रणबीरने आनंदाची बातमी दिली आहे.

Ranbir Kapoor Animal Release Date : सिनेनिर्माते संदीप रेड्डी वांगाच्या आगामी 'अॅनिमल' सिनेमात रणबीर कपूर दिसणार आहे. रणबीरचा हा आगामी सिनेमा 11 ऑगस्ट 2023 ला जगभरात प्रदर्शित होणार आहे. 'अॅनिमल' सिनेमा याआधी दसऱ्याला प्रदर्शित होणार होता. या सिनेमात रणबीरसह अनिल कपूर, बॉबी देओल आणि परिणीती चोप्रादेखील दिसणार आहे. या सिनेमाच्या निमित्ताने रणबीर आणि वांगा पहिल्यांदाच एकत्र काम करणार आहेत. 

भूषण कुमार आणि कृष्णा कुमार यांच्या 'टी-सीरिज', प्रणय रेड्डी वंगाच्या 'भद्रकाली पिक्चर्स' आणि मुराद खेतानी यांच्या 'सिने 1 स्टुडिओने' 'अॅनिमल' या गुन्हेगारी नाट्य सिनेमाची निर्मिती केली आहे. 2017 च्या तेलुगू ब्लॉगबस्टर अर्जुन रेड्डी' आणि 'कबीर सिंग' या चित्रपटानंतर संदीप रेड्डी वांगा दिग्दर्शक म्हणून पुनरागमन करत आहेत. पात्रांद्वारे सामायिक केलेल्या नातेसंबंधाच्या सतत बदलत्या स्वरूपाभोवती या सिनेमाचे कथानक फिरते.

 रणबीर कपूर आणि आलिया भट्ट ही बॉलिवूडची लोकप्रिय जोडी पुढल्या वर्षात जानेवारीमध्ये लग्नाच्या बेडीत अडकू शकतात, अशी शक्यता वर्तवली जात आहे. नव्या घराच्या सजावटीत आलिया आणि रणबीर मेहनत घेतानादेखील दिसून आले होते. या नव्या घराच्या सजावटीत आलियाची आई नीतू कपूरदेखील त्यांना मदत करत आहेत. रणबीर आणि आलिया येत्या डिसेंबरमध्ये लग्नबंधनात अडकणार आहेत, अशी चर्चा होत होती. त्यानंतर पुढल्या वर्षी डिसेंबर महिन्यात लग्नबंधनात अडकणार, अशी शक्यता वर्तवली जात होती. अद्याप कोणतीही अधिकृत माहिती समोर आलेली नाही.

 संबंधित बातम्या