Jug Jugg Jeeyo Release Date : करण जोहरच्या (Karan Johar) आगामी 'जुग-जुग जियो' सिनेमात कियारा आडवाणी (Kiara Advani) आणि वरुण धवन (Varun Dhawan) दिसणार आहेत. करण जोहरने सिनेमा प्रदर्शित होण्याची तारीख जाहीर करत सिनेमातील काही फोटोदेखील शेअर केले आहेत.
करण जोहरचा हा कौटुंबिक सिनेमा असणार आहे. सिनेमात कियारा, वरुणसोबत अनिल कपूर (Anil Kapoor), नातू कपूर (Neetu Kapoor), प्राजक्ता कोली (Prajakta Koli) आणि मनीष पॉल (Manish Paul) दिसणार आहेत. करण जोहरने ट्विटर आणि इंस्टाग्रामवर पोस्ट शेअर करत लिहिले आहे, 'जुग-जुग जियो' सिनेमा 24 जून 2022 ला सिनेमागृहात प्रदर्शित होणार आहे.
करण जोहरने सिनेमातील फोटो शेअर केले आहेत. त्यात काही लग्नसोहळ्याचे फोटोदेखील आहेत. फोटोंमध्ये कियारा नववधूच्या भूमिकेत दिसत आहे. तर वरुण धवन नववराच्या भूमिकेत दिसत आहे. निर्माते आणि दिग्दर्शक करण जोहरने पोस्ट शेअर करत कॅप्शन लिहिली आहे,"जुग-जुग जियो' सिनेमा 24 जून 2022 ला सिनेमागृहात प्रदर्शित होत आहे. तेव्हा सिनेमागृहात आमच्यासोबत कुटुंबाचा आनंद नक्की साजरा करा".
'जुग-जुग जियो' सिनेमाच्या माध्यमातून नीतू कपूर पुन्हा एकदा मोठ्या पडद्यावर पदार्पण करत आहे. सिनेमात ती अनिल कपूरसोबत दिसणार आहे. करण जौहर 'जुग-जुग जियो' सिनेमासह आणखी चार सिनेमांसाठी वायकॉम 18 सोबत बोलणे करत आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha