Ranbir Kapoor On Shamshera : '...म्हणून शमशेरा झाला फ्लॉप'; रणबीरनं सांगितलं कारण
रणबीरनं त्याचा शमशेरा (Shamshera) चित्रपट का फ्लॉप ठरला? या प्रश्नाचं उत्तर दिलं.
Ranbir Kapoor On Shamshera : अभिनेता रणबीर कपूरचा (Ranbir Kapoor) ब्रह्मास्त्र (Brahmastra) हा आगामी चित्रपट लवकरच प्रेक्षकांच्या भेटीस येणार आहे. या चित्रपटात प्रेक्षकांना रिअल लाईफ कपल आलिया भट्ट (Alia Bhatt) आणि रणबीर यांची केमिस्ट्री बघायला मिळणार आहे. त्यामुळे प्रेक्षक या चित्रपटाची उत्सुकतेने वाट बघत आहेत. ब्रह्मास्त्र चित्रपटात रणबीर आणि आलिया पहिल्यांदाच स्क्रिन शेअर करणार आहेत. दोघे सध्या चित्रपटाचं प्रमोशन करत आहेत. दिल्लीमध्ये या चित्रपटाचं प्रमोशन करताना रणबीरनं त्याचा शमशेरा (Shamshera) चित्रपट का फ्लॉप ठरला? या प्रश्नाचं उत्तर दिलं.
काय म्हणाला रणबीर?
वाणी कपूर, सजंय दत्त आणि रणबीर अशी तगडी स्टार कास्ट असूनही शमशेरा चित्रपट फ्लॉप ठरला. याबाबत रणबीरला एका मुलाखतीमध्ये प्रश्न विचारण्यात आला. यावेळी रणबीरनं सांगितलं की, 'शमशेरा हा चित्रपट फ्लॉप झाला कारण त्या चित्रपटाचा कंटेंट चांगला नव्हता.' रणबीरच्या या उत्तरानं अनेकांचे लक्ष वेधलं.
संजय दत्तनं दिली होती प्रतिक्रिया
शमशेरा फ्लॉप ठरल्यानंतर संजय दत्तनं सोशल मीडियावर एक पोस्ट शेअर केली. या पोस्टमध्ये त्यानं लिहिलं की, काही लोक चित्रपट न बघताच त्याच्याबद्दल वाईट बोलत आहेत. आम्ही या चित्रपटाच्या निर्मितीसाठी खूप मेहनत केली आहे. '
रणबीर कपूरने 'शमशेरा' चित्रपटासाठी 20 कोटी रुपयांचं मानधन घेतलं आहे. चित्रपटातील रणबीरच्या बॉडी आणि लूकन अनेकांचे लक्ष वेधले या सिनेमाच्या दिग्दर्शनाची धुरा करण मल्होत्राने सांभाळली आहे. 150 कोटींच्या बजेटमध्ये या सिनेमाची निर्मिती करण्यात आली होती. या चित्रपटाची निर्मिती यशराजच्या बॅनरखाली करण्यात आली. अॅमेझॉन प्राइम व्हिडीओ या ओटीटी प्लॅफॉर्मवर हा चित्रपट काही दिवसांपूर्वी रिलीज करण्यात आला.
ब्रह्मास्त्रची तगडी स्टार कास्ट
रणबीर कपूर आणि आलिया भट्ट यांच्यासोबतच ब्रह्मास्त्र या चित्रपटामध्ये शाहरुख खान, मौनी रॉय, नागार्जुन, अमिताभ बच्चन हे कलाकार महत्त्वाची भूमिका साकारणार आहे. या चित्रपटाचं दिग्दर्शन अयान मुखर्जी यानं केलं आहे. हा चित्रपट 9 सप्टेंबर रोजी रिलीज होणार आहे. या चित्रपटातील गाण्यांनी प्रेक्षकांची मनं जिंकली आहेत. या चित्रपटातील केसरिया या गाण्यानं प्रेक्षकांची विशेष पसंती मिळवली.
वाचा इतर महत्त्वाच्या बातम्या:
महत्त्वाच्या बातम्या
