Prajakta Mali: "नाव 'आदिती' असल्याने..." प्राजक्ता माळीनं खास पोस्ट शेअर करु केलं आदिती तटकरेंचं कौतुक
नुकत्याच पार पडलेल्या एका कार्यक्रमामध्ये प्राजक्ताची (Prajakta Mali) भेट आदिती तटकरे (Aditi Tatkare) यांच्यासोबत झाली.
Prajakta Mali: अभिनेत्री प्राजक्ता माळी (Prajakta Mali) ही सोशल मीडियावर विविध पोस्ट शेअर करत असते. प्राजक्ता ही अनेक कार्यक्रमांना देखील हजेरी लावते. नुकत्याच पार पडलेल्या एका कार्यक्रमामध्ये प्राजक्ताची भेट महिला व बाल विकास मंत्री आदिती तटकरे (Aditi Tatkare) यांच्यासोबत झाली. या कार्यक्रमामधील काही फोटो सोशल मीडियावर शेअर करुन प्राजक्तानं आदिती तटकरे यांचे कौतुक केले आहे.
प्राजक्ताची पोस्ट
प्राजक्तानं आदिती तटकरे यांच्यासोबतचे काही फोटो शेअर केले आहेत. या फोटोला तिनं कॅप्शन दिलं, "महिला व बाल विकास मंत्री, महाराष्ट्र राज्य. की Friend for a lifetime ? मा. आदिती ताई तटकरे. स्वतः महिला व नाव “आदिती”च असल्याने महिलांचे प्रश्न जाणून स्त्री शक्तीस आधार देणारं खंबीर, झंझावाती नेतृत्व त्यांच्यात आहेच. बरोबरीनं लेझर शार्प फोकस, दयाळू स्वभाव आणि त्वरित निर्णय घेणे या त्यांच्या गोष्टी मला खूप प्रेरणा देतात. त्यांना भेटून आनंद झाला. काल रात्री आम्ही भेटलो. आपण अनेकदा भेटले पाहिजे आणि महिला सुरक्षा, सक्षमीकरणासाठी लवकरच एकत्र काम केले पाहिजे, असं वाटलं. "
View this post on Instagram
प्राजक्तानं शेअर केलेल्या पोस्टवर नेटकऱ्यांनी लाइक्स आणि कमेंट्सचा वर्षाव केला. तसेच आदिती तटकरे यांनी देखील या कार्यक्रमामधील काही फोटो सोशल मीडियावर शेअर केले आहे.
View this post on Instagram
प्राजक्ता ही 'महाराष्ट्राची हास्यजत्रा' या कार्यक्रमामधून प्रेक्षकांच्या भेटीस येते. प्राजक्ता ही या कार्यक्रमाचे सूत्रसंचालन करते. तसेच तसेच तिचा लकडाऊन हा प्राजक्ताचा चित्रपट प्रेक्षकांच्या भेटीस आला होता. प्राजक्ताबरोबरच या चित्रपटामध्ये अभिनेता अंकुश चौधरीनं देखील प्रमुख भूमिका साकारली होती. जुळून येती रेशिमगाठी या मालिकेमुळे प्राजक्ताला विशेष लोकप्रियता मिळाली. काही दिवसांपूर्वी प्राजक्ताचा 'तीन अडकून सीताराम' हा चित्रपट देखील रिलीज झाला होता. या चित्रपटात वैभव तत्ववादी, संकर्षण कऱ्हाडे, आलोक राजवाडे यांनी प्रमुख भूमिका साकारली.
इतर महत्वाच्या बातम्या:
Before You Go
Majha Sanman Award 2026: अरुण फिरोदिया यांचा उद्योगक्षेत्रातील अतुलनीय कामगिरीबद्दल ‘माझा सन्मान’ पुरस्काराने गौरव
महत्त्वाच्या बातम्या
