Parineeti Chopra: "पारू, सुपरस्टारप्रमाणे तू ..."; परिणीतीच्या वाढदिवसानिमित्त राघव चड्ढा यांनी शेअर केली खास पोस्ट
Parineeti Chopra Raghav Chadha: राघव चड्ढा यांनी सोशल मीडियावर खास फोटो शेअर करुन परिणीतीला वाढदिवसाच्या शुभेच्छा दिल्या.
Parineeti Chopra Raghav Chadha: बॉलिवूडमधील प्रसिद्ध अभिनेत्री परिणीती चोप्राचा (Parineeti Chopra) आज वाढदिवस आहे. यानिमित्त तिचे पती राघव चड्ढा (Raghav Chadha) यांनी तिला खास शुभेच्छा दिल्या आहेत. राघव चड्ढा यांनी सोशल मीडियावर खास फोटो शेअर करुन परिणीतीला वाढदिवसाच्या शुभेच्छा दिल्या. राघव यांनी या फोटोला दिलेल्या कॅप्शननं अनेकांचे लक्ष वेधले आहे.
राघव यांनी शेअर परिणीतीचे फोटो सोशल मीडियावर शेअर करुन कॅप्शनमध्ये लिहिलं, "पारू, सुपरस्टारप्रमाणे तू माझे आयुष्य उजळून टाकतेस! तुझे एक स्मित हास्य माझे जीवन अद्भुत बनवू शकते. तू माझ्या आयुष्यात खूप आनंद आणला आहेस. या विशेष दिवशी, मला सर्वोत्कृष्ट स्त्रीचा वाढदिवस साजरा करायचा आहे, जी तू आहेस! हे फोटो आनंद, प्रेम आणि सर्वोत्तम क्षणांनी भरलेले आहेत. वाढदिवसाच्या शुभेच्छा पत्नी" राघव यांनी शेअर केलेल्या फोटोला परिणीतीनं कमेंट केली, "Back at you, you amazing amazing human"
View this post on Instagram
परिणीती चोप्राचा जन्म 22 ऑक्टोबर 1988 रोजी अंबाला येथे झाला. परिणीती ही 35 वर्षांची झाली आहे. परिणीती ही लग्नानंतरचा पहिला वाढदिवस साजरा करत आहे. अनेक सेलिब्रिटींनी सोशल मीडियाच्या माध्यमातून परिणीतीला वाढदिवसाच्या शुभेच्छा दिल्या आहेत.
उदयपूरमध्ये पार पडला परिणीती आणि राघव यांचा विवाहसोहळा
उदयपूरमधील 'द लीला पॅलेस' येथे परिणीती आणि राघव यांचा शाही विवाहसोहळा पार पडला आहे. परिणीती आणि राघव यांच्या विवाह सोहळ्याला अनेक सेलिब्रिटींनी हजेरी लावली. पंजाबचे मुख्यमंत्री भगवंत मान, लोकप्रिय फॅशन डिझायनर मनीष मल्होत्रा, शिवसेना उद्धव ठाकरे गटाचे नेते आदित्य ठाकरे आणि दिल्लीचे मुख्यमंत्री अरविंद केजरीवाल यांनी परिणीती आणि राघव यांच्या विवाह सोहळ्याला हजेरी लावली होती. परिणीती आणि राघव यांच्या विवाह सोहळ्याचे फोटो आणि व्हिडीओ सोशल मीडियावर व्हायरल झाले.
परिणीतीचे चित्रपट
हसी तो फसी, इश्कजादे, शुद्ध देसी रोमान्स, दावत-ए-इश्क यांसारख्या चित्रपटांमध्ये परिणीतीनं काम केलं. काही दिवसांपूर्वी तिचा कोडनेम तिरंगा हा चित्रपट प्रेक्षकांच्या भेटीस आला. परिणीतीचे चाहते तिच्या चित्रपटांची उत्सुकतेने वाट बघत आहेत. परिणीती ही तिच्या अभिनयानं प्रेक्षकांची मनं जिंकत असते.
इतर महत्वाच्या बातम्या:
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
