Neha Kakkar : 'मी इतक्या लहान वयात...'; फाल्गुनी पाठकच्या गाण्याचा रिमेक केल्यानंतर ट्रोल झालेल्या नेहानं शेअर केली पोस्ट
फाल्गुनी पाठक यांचे 'मैने पायल है छनकाई...' हे गाणे 1999 मध्ये रिलीज झाले. या गाण्याचा रिमेक केल्यानं नेहाला नेटकरी ट्रोल करत आहेत.
Neha Kakkar : गायिका नेहा कक्कर (Neha Kakkar) ही तिच्या गाण्यांमुळे चर्चेत असते. नुकत्याच रिलीज झालेल्या 'ओ सजना' या गाण्यासाठी गायिका नेहा कक्करला सोशल मीडियावर खूप ट्रोल केले जात आहे. हे गाणं फाल्गुनी पाठक (Falguni Pathak) यांच्या 'मैने पायल है छनकाई...' (Maine Payal Hai Chhankai) या गाण्याचा रिमेक आहे. फाल्गुनी पाठक यांचे 'मैने पायल है छनकाई...' हे गाणे 1999 मध्ये रिलीज झाले. या गाण्याचा रिमेक केल्यानं नेहाला नेटकरी ट्रोल करत आहेत. आता नुकतीच नेहानं एक पोस्ट शेअर करुन ट्रोलर्सला उत्तर दिलं आहे.
नेहाची पोस्ट:
'आज मी जसं आयुष्य जगत आहे, तसं आयुष्य खूप कमी लोकांना मिळतं. मी इतक्या लहान वयात खुप चांगलं आयुष्य जगत आहे. फेम, अगणित हिट गाणी, सुपरहिट टीव्ही शो, वर्ल्ड टूर, लहान मुलांपासून ते 80-90 वर्षांपर्यंतचे चाहते आणि काय हवं! माझी प्रतिभा, आवड, मेहनत आणि सकारात्मकतेच्या जोरावर मी हे सर्व कसे मिळवले हे तुम्हाला माहीत आहे. म्हणूनच आज माझ्याकडे जे काही आहे त्याबद्दल मी देवाचे आभार मानायचे आहेत. धन्यवाद! मी या जगातील सर्वात भाग्यवान व्यक्ती आहे.' अशी पोस्ट नेहानं शेअर केली आहे. नेहाच्या या पोस्टनं अनेकांचं लक्ष वेधलं.
View this post on Instagram
नेहाचं नवं गाणं
नेहा कक्करच्या 'ओ सजना' या गाण्यात धनश्री वर्मा आणि प्रियांक शर्मा या कलाकारांनी काम केलं आहे. 19 सप्टेंबर रोजी नेहा कक्करचं हे गाणं रिलीज झालं. गायिका नेहा कक्कर रिमिक्स गाण्यासाठी ट्रोल होण्याची ही पहिलीच वेळ नाही. यापूर्वीही तिने अशीच अनेक जुनी गाणी रिमिक्स केली असून, त्यामुळे तिच्यावर बरीच टीका झाली आहे. आता नेहाने हे गाणे रीक्रिएट केल्यावर फाल्गुनी पाठक यांनीही आपली प्रतिक्रिया दिली आहे.
वाचा इतर महत्त्वाच्या बातम्या :
महत्त्वाच्या बातम्या
