Jawan Film Poster: 'जवान' मधील नयनताराचा किलर लूक, शाहरुख फोटो शेअर करत म्हणाला, 'ती म्हणजे वादळापूर्वी होणारी मेघगर्जना आहे!'
जवान (Jawan) या चित्रपटामधील नयनताराच्या लूकचा फोटो नुकताच शाहरुखनं शेअर केला.
Jawan Film Poster: लवकरच अभिनेता शाहरुख खान (Shah Rukh Khan) जवान (Jawan) हा चित्रपट प्रेक्षकांच्या भेटीस येणार आहे.काही दिवसांपूर्वी या चित्रपटाचा प्रीव्यू प्रेक्षकांच्या भेटीस आला जवान या चित्रपटाच्या प्रीव्यूमध्ये या चित्रपटाची स्टार कास्ट दिसली. काही साऊथ चित्रपटसृष्टीतील कलाकार देखील जवान या चित्रपटामध्ये प्रमुख भूमिका साकारणार आहे. अभिनेत्री नयनतारा (Nayanthara) ही देखील जवान या चित्रपटात महत्वाची भूमिका साकाणार आहे. जवान या चित्रपटामधील नयनताराच्या लूकचा फोटो नुकताच शाहरुखनं शेअर केला. नयनताराच्या या लूकनं अनेकांचे लक्ष वेधले आहे.
शाहरुखनं शेअर केलेल्या फोटोमध्ये हातात बंदुक आणि डोळ्यांवर गॉगल अशा लूकमध्ये नयनतारा दिसत आहे. नयनताराच्या लूकचा फोटो शेअर करुन शाहरुखनं कॅप्शनमध्ये लिहिलं, 'ती म्हणजे वादळापूर्वी होणारी मेघगर्जना आहे!' शाहरुखनं शेअर केलेल्या नयनताराच्या या फोटोवर नेटकऱ्यांनी लाइक्स आणि कमेंट्सचा वर्षाव केला आहे. अनेकांनी कमेंट्स करुन नयनताराच्या लूकचं कौतुक केलं आहे.
पाहा नयनताराचा लूक
View this post on Instagram
काही दिवसांपूर्वी शाहरुखनं त्याच्या जवान चित्रपटामधील लूकचा फोटो शेअर केला. शाहरुखच्या त्या लूकनं अनेकांचे लक्ष वेधले आहे. त्या फोटोमध्ये शाहरुख हा हातात बंदुक आणि डोळ्यावर गॉगल अशा लूकमध्ये दिसला. जवान चित्रपटामधील लूकचा फोटो शेअर करुन शाहरुखनं कॅप्शनमध्ये लिहिलं, 'जब मैं विलन बनता हूं ना तो मेरे सामने कोई भी हीरो टिक नहीं सकता!'
View this post on Instagram
विजय सेतुपती देखील जवान चित्रपटामध्ये काम करणार आहे, तसेच दीपिका पादुकोण देखील या चित्रपटात कॅमिओ रोलमध्ये दिसणार आहे. जवान हा चित्रपट 7 सप्टेंबर रोजी रिलीज होत आहे. हिंदी, तमिळ आणि तेलुगू या भाषांमध्ये हा चित्रपट प्रेक्षकांच्या भेटीस येणार आहे. जवान या चित्रपटाची प्रेक्षगक उत्सुकतेने वाट बघत आहेत.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
