Nawazuddin Siddiqui : 100 कोटींच्या मानहानी प्रकरणानंतर नवाजुद्दीननं उचललं मोठं पाऊल, आलियासोबतच्या नात्याला देणार एक संधी

Nawazuddin Siddiqui : नवाजुद्दीनने आलिया आणि त्याच्या नात्याला आणखी एक संधी देण्याचा निर्णय घेतला आहे.

Nawazuddin Siddiqui

Nawazuddin Siddiqui Asks For Settlement With Wife Aaliya : अनेक दर्जेदार सिनेमांच्या माध्यमातून नवाजुद्दीन सिद्दीकी (Nawazuddin Siddiqui) प्रेक्षकांच्या भेटीला येत आहे. पण सध्या तो वैयक्तिक आयुष्यामुळे जास्त चर्चेत आहे. नवाज आणि आलियाच्या (Aaliya Siddiqui) नात्यात दुरावा आला आहे. दोघेही एकमेकांवर आरोप-प्रत्यारोप करत आहेत. आलियाने नवाजुद्दीनवर गैरवर्तन केल्याचा गुन्हा दाखल केला आहे. तर दुसरीकडे अभिनेत्याने पत्नी आणि भाऊ शमसुद्दीन सिद्दीकीविरोधात 100 कोटी रुपयांचा मानहानीचा खटला दाखल केला आहे. पण आता नवाजने आलियासोबतच्या त्याच्या नात्याला आणखी एक संधी देण्याचा निर्णय घेतला असल्याची चर्चा आहे. 

नवाजुद्दीन आणि त्याची पत्नी आलिया यांच्यात आलेला दुरावा कमी होणार असल्याच्या बातम्या समोर आल्या आहेत. नातं टिकवण्यासाठी नवाज पुढे सरसावला आहे. मीडिया रिपोर्टनुसार, सेटलमेन्ट झाल्यानंतर आलिया आपल्या पतीच्या घरी म्हणजेच नवाजुद्दीनकडे जाणार आहे. 

ई-टाइम्सने दिलेल्या माहितीनुसार, नवाजुद्दीनने सेटलमेन्टसाठीचं पहिलं पाऊल उचललं आहे. आलिया आणि नवाज आता त्यांच्या नात्याविषयी एकमेकांसोबत चर्चा करणार आहेत. वैवाहिक आयुष्यात आलेल्या मतभेदांवर आणि वादावर ते भाष्य करणार आहेत. नवाजुद्दीन सिद्दीकी आणि आलियाने एकमेकांवर गंभीर आरोप केले आहेत. गेल्या अनेक दिवसांपासून सोशल मीडिया ते कोर्टापर्यंत त्यांचा वाद सुरुच आहे. अखेर आता नवाजला हा वाद आणि दुरावा संपवायचा आहे. 

नवाजची सेटलमेन्टची इच्छा पूर्ण होणार की नाही? नवाजसोबत राहायला आलिया होकार देणार का? याकडे आता चाहत्यांचं लक्ष लागलं आहे. आलियाचे वकील रिजवान यांनी ई-टाइम्सला दिलेल्या मुलाखतीत म्हटलं आहे की, नाही... आलिया कधीही नवाजकडे परत जाणार नाही. आपल्या मुलांच्या हक्कांसाठी मात्र ती कायम लढत राहिल.

नवाजुद्दीनने काय आरोप केले आहेत? 

नवाजुद्दीन सिद्दीकीने 100 कोटींच्या मानहानीच्या खटल्यासह शमसुद्दीन आणि आलियावर गंभीर आरोप केले आहेत. त्याने भावावर फसवणुकीचा तर आलियावर पैशांचा गैरवापर केल्याचा आरोप केला आहे. 

आलियाने नवाजुद्दीनवर काय आरोप केले आहेत? 

नवाजुद्दीन मुलांना दूर करत असल्याचा आरोप आलियाने केला आहे. तसेच गैरवर्तन, जेवण न देणे, खोलीत बंद करणे, मुलांच्या शिक्षणाचा खर्च न उचलणे अशा अनेक आरोपांचा यात समावेश आहे. आता पुन्हा एकदा आलियाने सोशल मीडियावर पोस्ट शेअर करत नवाजुद्दीनवर गंभीर आरोप केले आहेत. 

संबंधित बातम्या