Nayanthara’s 75 Movie : 'नाद स्टुडिओज'चे जतिन सेठी करणार ‘लेडी सुपरस्टार’ नयनताराच्या 75व्या चित्रपटाची निर्मिती!

Nayanthara’s 75 Movie : 'नाद स्टुडिओ' पुन्हा एक धमाकेदार चित्रपट प्रेक्षकांच्या भेटीस घेऊन येत आहे. हा चित्रपट लेडी सुपरस्टार नयनताराचा (Nayanthara) बहुप्रतिक्षित आगामी तमिळ चित्रपट आहे.

Nayanthara’s 75 Movie

Nayanthara’s 75 Movie : यंदा 'नाद स्टुडिओज'च्या जतिन सेठी निर्मित 'सौंकन सौकने' या पंजाबी चित्रपटाने बॉक्स ऑफिसवर केलेल्या दमदार कमाईमुळे हा चित्रपट देशभरात चर्चेचा विषय ठरत आहे. एमी विर्क, सरगुन मेहता आणि निम्रत खैरा अभिनीत 13 मे 2022 रोजी 'झी स्टुडिओ'द्वारे वितरीत करण्यात आलेल्या या ब्लॉकबस्टर चित्रपटाने विक्रमी कमाई केली. या चित्रपटाच्या भरघोस यशानंतर 'नाद स्टुडिओ' पुन्हा एक धमाकेदार चित्रपट प्रेक्षकांच्या भेटीस घेऊन येत आहे. हा चित्रपट लेडी सुपरस्टार नयनताराचा (Nayanthara) बहुप्रतिक्षित आगामी तमिळ चित्रपट आहे, या चित्रपटाच्या निर्मितीची धुरा 'नाद स्टुडिओज'सह 'ट्रायडेंट आर्ट्स' आणि 'झी स्टुडिओज' ही धुरा पेलवणार आहे.

या चित्रपटाच्या घोषणेचा व्हिडीओ निर्मात्यांनी मंगळवारी 12 जुलै रोजी प्रसिद्ध केला असून, या व्हिडीओला अपेक्षेपेक्षा मोठ्या प्रमाणात प्रेक्षकांचा प्रतिसाद मिळाला आहे. अद्याप निर्मात्यांनी चित्रपटाचे शीर्षक किंवा कथानक जाहीर केले नसले तरी, चित्रपटासाठीची उत्सुकता प्रेक्षकांनी दाखवून चित्रपटाची रंगत वाढवली आहे.

जतिन सेठींचे तमिळ चित्रपटसृष्टीत पदार्पण

शीर्षक नसलेला हा चित्रपट नीलेश कृष्णा दिग्दर्शित असणार असून, त्यात सत्यराज (बाहुबली फेम), जय आणि रेडिन किन्सले यांच्याही भूमिका असणार आहेत. जतीन सेठी याबद्दल बोलताना म्हणाले की, ‘सौंकन सौकने’ या चित्रपटाच्या यशाचा आस्वाद घेतल्यानंतर, आम्ही या तमिळ चित्रपटाद्वारे तमिळ चित्रपटसृष्टीत प्रवेश करत आहोत, हा आमच्यासाठी एक नवीन प्रदेश असला, तरीही आम्ही खूप उत्सुक आहोत. तर, चित्रपटात नयनतारा आहे ही एक आनंददायक गोष्ट आहे. हा चित्रपट आमच्यासाठी एक विशेष बाब आहे. शिवाय प्रेक्षकही नक्कीच कलाकारांशी आणि कथेशी एकजूट होऊन चित्रपटाचा आनंद लुटतील अशी आशा व्यक्त करतो. या चित्रपटाचे चित्रीकरण सुरू होण्याची आम्ही आतुरतेने वाट पाहत आहोत.’

अभिनेत्री नयनताराच्या या 75व्या चित्रपटाचे चित्रीकरण या वर्षी ऑगस्टमध्ये सुरु होणार असून, निर्माते लवकरच या चित्रपटाच्या शीर्षकाची घोषणा करतील. हा चित्रपट पुढील वर्षी चित्रपटगृहात प्रदर्शित होण्याची शक्यता आहे.

हेही वाचा :