Asha Bhosle And Mumtaz: बॉलिवूडमधील ज्येष्ठ अभिनेक्षी मुमताज (Mumtaz) आणि ज्येष्ठ गायिका आशा भोसले (Asha Bhosle) यांच्या डान्सचा व्हिडीओ सोशल मीडियावर व्हायरल होत आहे. या व्हिडीओमध्ये मुमताज आणि आशा भोसले या दोघी "कोई सहरी बाबू दिल लहरी बाबू" (Koi Sehri Babu Dil Lehri Babu) या गाण्यावर थिरकताना दिसत आहेत. दोघींच्या या व्हिडीओ नेटकऱ्यांनी लाइक्स आणि कमेंट्सचा वर्षाव केला आहे.
मुमताज यांनी त्यांच्या इन्स्टाग्राम अकाऊंटवरुन एक व्हिडीओ शेअर केला आहे. या व्हिडीओमध्ये त्या आशा भोसले यांच्यासोबत "कोई सहरी बाबू दिल लहरी बाबू" या गाण्यावर डान्स करताना दिसत आहेत. व्हिडीओमध्ये मुमताज या आशा भोसले यांना डान्स स्टेप्स सांगताना दिसत आहेत. मुमताज यांनी शेअर केलेल्या व्हिडीओमध्ये त्या बॅक आऊटफिटमध्ये दिसत आहेत.
नेटकऱ्यांच्या कमेंट्स
आशा भोसले आणि मुमताज यांच्या व्हिडीओवर अनेक नेटकऱ्यांनी कमेंट्स केल्या आहेत. एका नेटकऱ्यानं कमेंट केली, "गोल्ड इज गोल्ड दोघींनी खूप छान परफॉर्म केलं." तर दुसऱ्या युझरनं कमेंट केली, "मुमताज यांच्या डान्समध्ये आजही आधी सारखीच एनर्जी दिसते."
पाहा व्हिडीओ:
"कोई सहरी बाबू दिल लहरी बाबू" हे गाणे लोफर या चित्रपटामधील आहे. हे गाणे लक्ष्मीकांत- प्यारेलाल या जोडीने लिहिले आहे आणि आशा भोसले यांनी हे गायले आहे. आजही लोक हे गाण आवडीनं ऐकतात.
भीमसिंह दिग्दर्शित लोफर हा चित्रपट 1973 मध्ये रिलीज झाला होता. धर्मेंद्र आणि मुमताज या चित्रपटात मुख्य भूमिकेत होते तर ओम प्रकाश, प्रेमनाथ आणि के एन सिंग यांनी देखील या चित्रपटात काम केलं होतं. "कोई सहरी बाबू दिल लहरी बाबू" या गाण्यासोबतच आज मौसम बड़ा बे-ईमान है, मैं तेरे इश्क़ में,मोतियों की लड़ी हूँ मैं या लोफर चित्रपटांमधील गाण्यांना प्रेक्षकांची पसंती मिळाली होती.
मुमताज या सोशल मीडियावर अॅक्टिव असतात. इन्स्टाग्रामवर त्या विविध लूकमधील फोटो शेअर करतात. इन्स्टाग्रामवर त्यांना 166K फॉलोवर्स आहेत.
इतर महत्वाच्या बातम्या: